Login to your account

Username *
Password *
Remember Me

Espiritu Lei Autoriza FP Utiliza Karreta Estadu Tula Oan ba Eskola 

Ekipa Fiskalizasaun Konjuntu halo Konferénsia imprensa iha Salaun Komisaun Funsaun Públika, kinta (11/11). Ekipa Fiskalizasaun Konjuntu halo Konferénsia imprensa iha Salaun Komisaun Funsaun Públika, kinta (11/11). Foto Tempo Timor

Tempotimor (Díli)- Komisáriu Komisaun Funsaun Públika  (KFP) Assuntu Disiplinár, Fausto Freitas da Silva esplika, laiha dekretu lei ida autoriza funsionáriu públiku (FP) utiliza karreta Estadu hodi tula família, maibé espiritu lei fó dalan ba kargu xefia utiliza tula oan ba eskola.

Tanba ne’e, funsionáriu Públiku (FP) liliu kargu Xefia bele uza karreta Estadu tula nia oan sira ba eskola maibé labele pasiar iha tempu feriadu.

"Ha'u hakarak hatete de'it Kargu Xefia sira ne'e bele uza karreta Estadu hodi tula oan ba eskola no tula husi eskola ba uma ne'e laiha problema”, dehan Komisáriu Fausto Freitas Soares iha Salaun CFP, Vilaverde, kinta (11/11).

Tanba karreta ba Kargu Xefia sira ida de'it bainhira la uza karreta mak tula nia oan sira ba eskola bele tarde iha servisu hanesan funsionáriu iha instituisaun Estadu nian.

Nune'e ida bele fasilita Diretór no kargu Xefia sira no laiha implikasaun mós ba konbustivel sira.

"Ida ne'e tula de'it nia oan sira ba eskola no nia inan ka aman ba liu servisu, o tula o ba langsung servisu o la'ós ba pasiar tun sa'e”, argumenta nia.

Maibé importante mak labele utiliza patrimóniu Estadu sira hodi halo fali atividade seluk ne'ebé relevante ho servisu nian.

"Yang penting labele ba tula ai-maran, labele tula buat seluk no ba fali fatin seluk ne'e labele no iha loron feriadu ne'e mak labele”, esplika nia.

Maske laiha lei ka Dekretu Lei ida mak autoriza uza karreta ka motorizada hodi tula oan ba eskola maibé iha espiritu Lei rasik bele fo dalan.

"Espiritu Lei mak hanesan ne'e la presiza Lei, maibé espiritu lei mak hanesan ne'e”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter