“Husi totál vaga 866 ba promosaun, ne’ebé define iha Rezolusaun Governu ida-ne’e, 41 ba Tékniku Superior-Grau A, 122 ba Tékniku Superior-Grau B, 190 ba Tékniku Profisionál-Grau C, 250 ba Tékniku Profisionál-Grau D, 164 ba Tékniku Administrativu-Grau E no 99 ba Asistente-Grau F”, informa Ministru Finansas, Rui Augusto Gomes, hanesan mos Ministru Prezidensia Konsellu Ministru Interinu, hafoin reuniaun ezekutivu iha palásiu Governu, kuarta (06/04).
Vaga sira ne’e destina ba promosaun ne’ebé tinatinan Governu fiksa, liuhusi proposta Komisaun Funsaun Públika nian, to’o limite 10% husi totál ema ba kada kategória ka grupu profesionál.
Prezidente Komisaun Funsaun Publiku (KFP), Faustino Cardoso Gomes hatete, Konsellu Ministru aprova ona vaga hamutuk 866 no vaga hamutuk 866 ne'e totál, maibé grau ida-idak ne'e hetan pursentu 10 husi númeru funsionária, iha grau refere ne'ebé mak prense rekezitu no kondisaun mínima, atu sai kandidatu ba promosaun ninia.
“Uma vez rezolusaun Governu ne'e aprova ona, públika sai ona ne'e komisaun funsaun públika hetan ona nia baze legál atu hodi hahú ona servisu másimu, nune'e iha tempu badak KFP sei realiza no sei hala'o iha tinan 2022 ne'e”, dehan nia. (*)