Tuir despaisu ne’ebé fó sai husi Ministériu Finansa, Rui Augusto Gomes katak, implementasaun sirkular ne'e Ministériu Finansa sei servisu hamutuk ho Komisaun Funsaun Públika (KFP) no Komisaun Anti Korrupsaun (KAK) hahú ezekuta durante ezekusaun trimestre dahuluk nian.
Tanba iha númeru 1 no artigu 1° kona-ba Regulamentu Atribuisaun no Uzu Veikulu Estadu, anexu husi Dekretu-lei númeru 8/2003, 18 Juñu, veikulu Estadu bele afeita ba kada Ministériu ho despaxu fundamentadu husi Ministériu Planu no Finansas ho referénsia tuir verba ne'ebé inskrita iha Lei Orsamentu Estadu nian.
Iha Rezolusaun Governu númeru 130/2021, 29 setembru, iha númeru 2 koalia kona-bá Jestaun no Realokasaun Veikulus Estadu, membru Governu ne'ebé responsável ba área finansas fixa ho despaxu tuir regra temi iha paragrafu anteriór, númeru limite veikulus Estadu no velikulus afeitadu ba kada orgaun no servisus haree ba ninia nesesidade operasionál sira.
Ho ida ne'e, konkretizasaun implementasaun tuir regra sira temi iha leten, iha primeiru trimestre tinan 2022, Ministériu Finansas sei hahú emite serkular ida ne'e.
Nune’e husu ba Jestór sira husi Diretór Jerál ka ekivalente to'o veikulu operasionál nian atu Stasiona ka para veikulu hotu iha resintu kada Ministériu, Instituisaun no Servisu Fundu Autonoma sira ba veikulus Estadu ne'ebé utiliza.
Ba fasilita funsionamentu (Lina Ministeriál ka Instituisaun Estadu (LM-IE) no SFA sira sei jere husi Diresaun Lojistika no Patrimoniu kona-ba nesesidade mobilizasaun diária ba fins profesionál hodi hein konfirmasaun númeru fiksa, realokasaun no rekollamentu redusaun ba leilaun ne'ebé sei efetua husi Ministériu Finansa, Komisaun Anti Korrupsaun no Komisaun Funsaun Públika.
Aleinde Veikulu Estadu sira ne'ebé stasiona/para iha eskritóriu LM/IE no SFA sira sei autoriza de'it hodi halo movimentu durante ora servisu no la autoriza hodi Jestór sira ou veikulus operasionál lori ba uma no husi fatin servisu ba uma. Karik iha nesesidade ba fins profesionál nian tenke fundamenta ho autorizasaun husi superior LM/IE no SFA.
Ho ida la aplika ba servisu Saúde, Seguransa, Bombeiru no entidade seluk ne'ebé tuir lei haruka hodi servisu ho rotativu maibé tenke komprova ho orden traballu ne'ebé aprovadu husi superior lina ministeriál ka instituisaun Estadu nomós SFA.
Pozisaun husi Ministériu Finansas ho imediatamente sei halo sosializasaun ba liña ministerial no instituisaun Estadu inklui SFA kona-ba Rezolusaun Governu númeru 13/2021 hodi halo Jestaun no Realokasaun karreta Estadu, liuhuzi despaisu MF no Padraun Prosedimentu Operasionál antes ekipa konjunta husi MF, KAKno KFP efetua servisu inspesaun, konfirmasaun no rekollamentu ba LM/IE no SFA sira.
Kona-ba Stasionamentu Veikulus Estadu ne'e sei hahú efetua husi loron 14 Janeiru 2022, nune'e husu ba LM/IE no SFA sira tenke kumpri sirkular ida ne'e ho rigorozu, no Ekipa Task Force ba Kontrolu Movimentu Velkulu Estadu sei ativamente halo kontrolu kona-ba utilizasaun veikulu Estadu durante estasionamentu veikulu sira no uilizasaun veikulu ba oin. (*)
