Login to your account

Username *
Password *
Remember Me

Lere ho Matawen ‘Halerik’ Kondisaun Moris Membru F-FDTL 

Xefe Estadu Maior Jenerál FALINTIL-Forsa Defesa Timor-Leste (F-FDTL), Tenente Jenerál Lere Anan Timur. Xefe Estadu Maior Jenerál FALINTIL-Forsa Defesa Timor-Leste (F-FDTL), Tenente Jenerál Lere Anan Timur. Foto Suplay

Tempotimor (Dili)-Xefe Estadu Maior Jenerál FALINTIL-Forsa Defesa Timor-Leste (F-FDTL), Tenente Jenerál Lere Anan Timur, ho matawen halerik kondisaun moris membru F-FDTL, tanba tinan ruanulu (20) maibé sei kontinua moris iha situasaun mukit nia laran.

“Bainhira ha'u sa'e ba Fatuahi ha'u haree, ha'u-nia soldadu sira tabele iha rai lolon ne'eba, bainhira ha'u sa'e ba Manleu, ha'u haree, ha'u-nia soldadu moris iha mota laran, kuandu ha'u la'o tun, la'o sa'e, ha'u haree ha'u-nia soldadu tabele ba bus, tabele ba mikrolete, ami preokupa tebes”, deklara Jenerál Lere iha nia diskursu ba natal hamutuk iha Kuarter Jerál F-FDTL, Fatuhada, kinta (06/01).

Iha diskursu Lere ho matawen hatete, nia parte triste haree ba militar sira-nia kondisaun, maibé desizaun politika la'ás iha nia liman, maibé iha polítiku sira-nian liman. 

Maske hakarak halo buat hothotu, maibé difísil tanba interese politika, no laiha vontade politika atu dezemvolve forsa armada. 

“Ha'u-nia prioriedade ba forsa armada mak bem estar, família ida-idak tanba iha funu laran uza mak imi, ha'u hadomi imi, tanba tinan barak durante tinan 24 nia laran ha'u komanda forsa no soldadu barak nia rán fakar iha ha'u-nia leten, no fakar iha ami-nia leten, mais ha'u husu ba ita-nia rain lulik no ita-nia matebian sira, maromak atu iha Timor labele akontese tan hanesan buat ne’ebé ita liu ona”, afirma nia.

Nu’udar membru iha instituiaun ida ne'e nian kareira ida ne’ebé util, tantu Ofisiál Jenerál, Ofisiál Coronel, Ofiosiál Superiór, Médiu, Subolternus, nia kareira iha nia, hanoin katak F-FDTL, Falintil mak nakfila-an ba defeza Timor-Leste, sai lutu ba nasaun.

“Iha tinan 20 resin FALINTIL hanaran FALINTIL Liman kroat, uluk liman kroat FRETELIN nian, ikus mai FALINTIL liman kroat Povu Timor-Leste nian, ohin loron imi ofisiál, sarjentu mak lutu ba nasaun”, dehan nia. (*)

Rate this item
(1 Vote)
Last modified on Thursday, 06 January 2022 21:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter