Tuir informasaun ne’ebé www.tempotimor.com, asesu husi Média F-FDTL iha loron tersa (04/04) katak, iha serimónia hakoi restu mortais ne’e Xefe Estado Maior Jenerál FALINTIL-Forsa Defeza Timor-Leste, Tenente Jenerál Falur Rate Laek asina mós plaka ba Restu Mortais nian.
Iha diskursu Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Falur Rate Laek hatete, “ita-nia istoria sei la lakon, imi-nia istoria mak ami-nia istória, imi-nia distinu mak ami-nia distinu, inan aman sira la’ós tempu para hamos imi-nia matan been, imi mak sei fó moris naruk ba ami, ami moris nafatin tanba ami-nia desizaun no imi-nia harohan”, afirma Tenente Jenerál Falur Rate Laek.
Xefe Estado Maior Jenerál FALINTIL-Forsa Defeza Timor-Leste mós dehan, “ba inan aman no feton sira, ha’u lori sira ne’ebé mate ona nia naran hakneak ba imi katak sira-nia mate mak ita mai hambrik iha ne’e, imi labele hanoin atu tanis ona, ita be mai iha ne’e parabéns no benvidu ba ita hotu”, Faluk hakotu. (*)