"PNTL ne'e Institutuisaun Estadu, ne'ebé qualquer atividade ita sempre asegura, tanba servisu rutina Polísia nia mak, liuliu atu garante katak eleisaun iha tinan ne'e la'ó di'ak, no seguransa ba kampaña nasionál mós la'o di'ak e klaru Polísia Nasionál Timor-Leste servisu ba ida ne'e”, dehan Komisáriu Faustino iha Komandu Jerál, Kaikoli, sesta (07/01).
Nu'udar komandantr PNTL iha obrigasaun atu haree kondisaun oinsá bele fasilita menbru sira, hala'o servisu iha terenu tuir lei no orden.
"Ami sira komadante iha leten ne'e ami-nia obrigasaun mak ne'e, haree saida mak nesesita ba sira para hala'o sira-nia servisu atu sai di'ak liután”, hatete nia.
Aleinde ne'e kona-ba viatura PNTL nia ne'ebé avaria, iha OJE 2022 aprovadu ona tanba ne'e sei sosa transporte balun hodi fasilita servisu.
"OJE aprova ona, nune'e ba tinan ne'e, ami kompras transporte ne'e kuaze lubuk ida, tinan ne’e kompara ho tinan sira seluk, tinan ne'e barak liu, ami sei halo kompras ba karreta operasionál ne'e 90-resin, espera katak depois de ezekusaun Orsamentu ne'e bele inisia ona prosesu atubele utiliza”, dehan nia.
Maibé iha OJE ba PNTL iha tinan 2022 ne'e mós prevé atu aluga karreta 65.
"Siknifika ida ne'ebé prosesu aprovizionamentu bainhira atraza, ida ne'ebé ita aluga ne'e ita utiliza para fó ba membru sira halo servisu”, esplika nia. (*)