"Ha'u iha komitmentu-ida desde uluk kedas, atu iha susesu la’ós kompeténsia iha Komadante Munisípiu mesak, presiza entidades hothotu nia espiritu kolaborativu inklui mós jornalista”, dehan Komadante PNTL Baukau António Maria De Sá, iha Komandu Baukau, kuarta (05/01).
Hanesan Buakauoan konfiansa ne'ebé mak veteranu, erói, Autoridade Munisípiu, Autoridade Igreja inklui inan aman sira iha Baukau tomak fó garante sei rona malu Baukauoan sei fuan-ida laran-ida komitmetu-ida lori Munisípiu Baukau ba oin.
Antes Komandante Baukau mós lidera PNTL Munisípiu Covalima iha kolaborasaun di’ak ho entidade hotu ho liafuan furak ba entidade hotu katak, nasaun Timor-Leste, Timoroan nian, tanba ne'e Timoroan hotu tenke sente na'in, iha direitu no dever atu kuidadu nasaun.
"Presiza rona malu, fiar malu, respeitu ba ita-nia Autoridade lokál, igreja, Munisípiu, inklui Autoridade seguránsa nune'e ita ultrapasa bareira no obstaklu sira ne'ebé iha”, afirma nia. (*)