"Iha difikuldade ne'ebé ami hasoru mak, Ró rua hanesan Jaco no Betano hanesan meiu ho klase shanghai ne'ebé Governu hola husi Xina, desde 2015 to’o agora sofre manutensaun ka avaria hela”, dehan Komadante Navál João da Silva, iha Hera, segunda (25/10).
Ró rua ne'e maske avaria hela, maibé kontinua halo operasaun ki’ik iha tasi laran hodi hein Governu atu deside halo manutensaun.
Dadaun ne'e, komponente Navál kontinua halo patrolamentu kosteira hanesan Hera ba Ataúru, Manatutu no Likisá, maibe ba tasi mane labele tanba seidauk iha ró.
Maske Timor-Leste estabelese ona fronteira marítima ho Austrália, maibé komponente Navál seidauk iha meiu atu kontrola iha kosta súl ka tasi mane.
Governu aseita ona doasaun ró ptraolla boot husi Austrália, maibé to’o iha tinan 2023, ne'e sei implika ba rikusoin iha tasi laran.
"Ami kontinua husu ba Governu atu toma atensaun bá kestaun tanba uza meiu ki’ik sira ne'e halo operasaun ba área tasi mane lasufisiente. Ita nu’udar nasaun ukun-an ita tenke iha kapasidade bele interven iha nivél rejionál entermus tasi no iha internasionál”, afirma nia. (*)