"Komandu PNTL Munisípiu Dili passa ona informasaun iha semana kotuk, tanba ne'e parte tránzitu ninia avizu ba komunidade sira ne'ebé mak hela iha Kapitál Dili, uza transporte públiku, hanesan transporte viatura ou motorizadas sira ne'e iha loron boot finadu ninia katak, ami sei hala'o pasa revista (check point) iha kapitál Dili ho mais volume hahú husi semana ida ne'e to’o ba 5 novembru, atividade passa revista loron no kalan sei halo atu prevene ba asidente fatal sira ne'ebé mak sei mosu, baibain akontese iha loron boot sira hanesan ne'e”, informa Domingos Sarmento, iha kaikoli, terss (26/10).

Polísia tránzitu sei check point, foku liuliu ba motorizada no karreta sira, hanesan motoristas sira la uza kapasete, la monta sapa matrikula, lalori dokumentu i pior liután transporte seidauk rezistu.

Nune'e mós ba parte dokumentu sira ne'ebé mak mate antes Estadu Emerjénsia hanesan 2018 tun ba kraik, ida ne'e sei la tolera liu.

"Nune'e aproveita oportunidade ne'e, apela ba komunidade sira katak agora konfinamentu obrigatóriu la estende tan ona, atividade la'o normál hela, e oras ne'e mós DNTT sira-nia atividade la'o hela, ba komunidade sira ne'ebé karik sapa matrikula balun lakon balun monu, dokumentu expired ona ou ka lakon, halo favor ba prolonga (perpanjan) fali”, dehan nia.

Tanba check Point mak sapa matrikula la kompletu ka la monta assessoria inklui dokumentu balun ne'ebé lakon iha Estadu Emerjénsia no lakon iha inundasaun lakohi trata konsidera infrasaun (katak sei passa multa ba sidadaun sira).

Ho check point ne'e la ho intensaun seluk, maibé atu hatama reseitan boot ba kofre Estadu ho intensaun atu prevene risku ba asidente no prevene asidente fatal sira.  (*)