Tanba tuir tradisaun militár nia, ba sira ne'ebé hetan oportunidade sei ba pasa ferias ho nia família hodi visita família matebian sira-nia rate.
Nune'e ba viajen ho di'ak no fila mós di'ak, tanba normálmente loron boot sira hanesan ne'e, barak mak konsumu alkohol (tua).
"Nune’e husu ba militar sira ne'ebé sai husi iha fatin ne'e karik, ba tuur hakmatek, hela iha uma, hemu tua karik hemu iha uma, sente todan karik toba la'ós lori motorizada lori karreta, aproveita tempu ida ne'e la'o pasiar tun sa’e, tanba ne'e husu ba ita-boot sira, la'o karik, hanoin katak tau sivíl ona la'ós militár la’e, ita-boot sira kontinua faz parte F-FDTL, faz parte komponente Navál, tanba kada vez ema ida ba halo buat ida iha ne'ebá, ema la temi ita-boot sira-nia naran, maibé temi dehan komponente Navál ou F-FDTL" afirma Komandante Forsa Navál, João da Silva, iha Hera, segunda (25/10).
La'ós militár sira ba hothotu, maibé so ba sira ne'ebé mak iha direitu, ida ne'e mak sai husi baze Navál Hera, sira ne'ebé permanente iha ne'e, hela iha ne'e kontinua, komporta di'ak hodi tau matan ba baze Navál. (*)