Login to your account

Username *
Password *
Remember Me

PNTL Kaptura Suspeitu Sunu Uma Iha Eis Merkadu Komoro

Membru PNTL hamrik haleu hela Suspeitu ho inisial FAT iha Sentru Formasaun Komandu PNTL, Kaikoli, Kinta (28/07). Membru PNTL hamrik haleu hela Suspeitu ho inisial FAT iha Sentru Formasaun Komandu PNTL, Kaikoli, Kinta (28/07). Foto Tempo Timor

Tempotimor (Dili)-Polísia Nasionál Timor-Leste (PNTL) kaptura ona suspeitu ho inisial FAT ne'ebé deskonfia sunu uma iha eis merkadu Komoro, Aldeia 02, suku Fatuhada, Postu Administrativu Don Aleixo, Munisípiu Dili, kinta (29/7), tuku 05:00 madrugada oras Timor-Leste.

Portavoz Komandu jeral PNTL, Superientedente Xefe Arnaldo de Araujo, deklara suspeitu refere, PNTL liuhusi Servisu Investigasaun Kriminal (SIK) kaptura iha área Praia dos Coqueros.

"Ohin (29/7), loraik ida ne'e hakarak informa ba populasaun tomak, katak hafoin insidente ne'e akontese, husi Servisu Investigasaun Kriminal Nasional, servisu Konjuntu ho Komandu PNTL Munisípiu Dili, eskuadra Dom Aleixo, duni tuir kedas suspeitu, no iha oras dadersan madrugada (05:00) otl, ekipa identifika suspeitu komete tan aktu krime ida hodi harahun vidru iha rezidensia korpu diplomátiku, Zelándia ho Austrália nian iha área Praia dos Coqueiros, no imidiatamente kaptura kedas suspeitu iha fatin refere, hodi transporta kedas mai iha edifísiu Servisu Investigasaun Kriminal (SIK)”, informa nia liuhusi komunikadu imprensa iha Komandu Jerál, Kaikoli, kinta (29/07).

Husi prosesu investigasaun ne'e, Investigadó notifika suspeitu ho inisial F.A.T. komete aktu krime oin rua, ida krime iha konkorsu ne’ebé previstu iha kodiku penal artigu 35, no ida seluk kona-ba krime insendiu ne’ebé previstu iha kondiku penal artigu 263, nomós agravadu ne’ebé prevee iha kodiku penal artigu 259.

Ho ida ne'e, suspeitu refere detein hela iha sentru formasaun komandu PNTL Munisípiu Dili, hodi aprezenta ba primeiru interrogatóriu iha Tribunál Munisípiu Dili, molok oras 72.

Enkuantu motivu husi kazu insidente ne'e Polísia Nasional Timor-Leste seidauk bele komenta, tanba konsidera kazu refere sei iha prosesu investigasaun. (*)

Rate this item
(5 votes)
Last modified on Thursday, 29 July 2021 18:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter