Login to your account

Username *
Password *
Remember Me

MAE Aprezenta Preparasaun ba Eleisaun Parlamentár 2023 iha KM

Reuniaun Konselu Ministru. Reuniaun Konselu Ministru. Foto Suplay

Tempotimor (Dili)-Ministru Administrasaun Estatál (MAE), Miguel Pereira de Carvalho, halo aprezentasaun kona-ba preparasaun sira ne’ebé la’o hela ba eleisaun parlamentár tinan 2023 iha reuniaun Konsellu Ministru (KM).

Liuliu kona-ba nivel planu operasionál, atividade pre-eleitorál, dadus eleitór resenseadu no tempu ne’ebé presiza hodi hala’o eleisaun parlamentár.

Ministru Miguel afirma, horseik (18/01) servisu tékniku administrasaun eleitorál lansa ona resensiamentu eleitoral ba atualiza baze de dadus ba eleisaun parlamentár.

"Antes ita hakat ba eleisaun parlamentár 2023 nian, STAE tinan ida ne'e sei to'o Munisípiu hotu-hotu inklui mós to'o ba Ataúru, para inisia resensiamentu ba sidadaun ho idade 17, parte ida mós atualiza sidadaun sira ne'ebé muda sira nia hela fatin", nia haktuir.

Tanba, antes fulan ida STAE tenki atualiza baze de dadus ba resensiamentu hafoin tama ba eleisaun parlamentár.

Nune’e, Diretór Servisu Tékniku Administrasaun Eleitorál (STAE), Acilino Manuel Branco mós hatete, aprezenta servisu téniku atu bele hetan preparasaun efetivu antes tama ba festa demokrasia eleisaun parlamentár tinan 2023.

"Ohin STAE mai aprezenta tékniku preparasaun servisu eleisaun parlamentár nian to'o ona ne'ebé, halo ona saida no saida mak seidauk halo tenke hadi'a, nune'e preparasaun sira ne'e tenke to'o efeitu, bainhira kalendáriu sira funsiona prontu hodi realiza eleisaun parlamentár iha 2023", dehan nia iha palásiu governu, kuarta (18/02).

Tanba, atu realiza eleisaun parlamentár ho kualidade partisipativu ne'e tenke prepara aspeitu oioin.

"Primeiru mak prosesu resensiamentu iha territóriu nasionál ne'e la'o ona, maibé konstitusaun garante sidadaun hotu nia direitu hanesan ne'ebé, sira rai li'ur mós daudaun hein hela, só ke ita seidauk atuliza sira nia resensiamentu to'o agora, maibé ida ne'e importante ida atu tau resensiamentu iha rai li'ur”, nia haktuir.

Prepara mós logistíka, tanba bazeia ba avaliasaun ne'ebé kada tinan halo, ema hotu sempre kestiona kona-ba tinta, la iha kualidade.

"Bainhira iha tempu eleisaun sidadaun hotu sempre kestiona problema kona-ba tinta, tanba sira vota tiha ona, maibé tinta ne'e mós lalais no fase sai hela, entaun ita presiza kuidadu fornese tinta ne'ebé kualidade seguru, nune'e bele reduz espekula sidadaun nian", nia dehan.

Tinta ne'e, la'ós buat fasil atu hetan iha aspeitu produsaun eleitoral, tanba só iha nasaun ida ka rua mak produz, ninia regulamentu aprovizonamentu ne'ebé rigiroju tebes.

"Dezde tinan kotuk, governu hamutuk ho nia parseria UNDP mak fornese tinta, maibé governu mak tau osan, tinta ida kualidade ho padraun internasionál, netrate 25% ne'e bele hela metin iha ita nia liman, labele fasil atu fase sai, nune'e labele hamosu prau ba eleisaun, tuir kalkulasaun UNDP nia tinta ne'e sei hein fulan haat ka liman mak to'o Timor-Leste", nia informa.  (*)

Rate this item
(0 votes)
Last modified on Wednesday, 18 January 2023 17:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter