Portavoz Komandu Jerál PNTL, Superientedente Xefe Arnaldo de Araujo hatete, totál husi kazu 110 ne'e, insedente hamutuk 90 no asidente hamutuk 20.
Husi kazu insidente hirak ne'e, mak hanesan asaltu-malu 53, ai-hán 2, asaltu-seksuál 1, ameasa-3, destribuisaun-jerál 4, estrada-propriedade 2, furtu 4, suisídiu ou oho-an (tara-an) 1, violénsia doméstika 18, omesidu 1, mate derepente 1.
“Hakarak hatete de'it katak kazu insidente ne'ebé mak hahú iha dia 14 to'o 28 jullu 2021, totál insidente hamutuk 90. Ba kazu asidente trafiku fulan-jullu, asidente 20”, dehan nia iha Komandu Jerál PNTL, Kaikoli, kinta (29/07).
Kazu asidente tráfiku ne'e ho nia tipu soke-malu entre karreta ho karreta ne'e 3, motorizada ho motorizada 2, karreta ho motorizada 4, dezastre asidente (single) 7, soke ema la'o ain 4. Rezultadu husi asidente hirak ne'e iha kanek kama'an 28, kanek todan ida, no mate ida. (*)
