Tuir MI ein ezersísiu António Armindo, atu evita Covid 19 tama mai nasaun Timor Leste, iha loron 23 Dezembru 2020 orienta ona DJ imigrasaun ho ekipa ba kedan Batugade godi intala kámera temográfikas ne'ebé simu hetan doasaun husi governu Xina.

“Loron rua ba instala iha mota-ain atu nune'e bele uza ona para halo monitorizasaub ba ema tama sai hodi detekta temperatura ema nian karik isin manas maka'as mak ita diskonfia COVID,” dehan Ministru ein ezersísiu Antonio, ohin (26/12).

Nia mós dehan, Kámera ne'e mós iha kapasidade bele kaptura ema na'in 400 no bele identifika entre ema 400 ida mak temporatura sa'e mak sei iha sinal kruz mean no lian fo alarma.

“Fronteira loke atu ema tama ne'e kada 17 dias, entaun kada loke, ema tama bele to'o na'in 200 resin ne'e liuhusi pontu entrada Mota-ain, Sakato, Suai ho Oesilo,” dehan Armindo ba www.tempotimor.com

Nia afirma, governu Timor-Leste fasilita liu mak ba transportasaun sasan merkadoria nian hodi hakbiit nafatin ekonómia iha momentu susar Covid-19 nian.

“Kareta ne'ebé halo movimentu mak hanesan transporte merkadoria nian ne'ebé semana semana kada Kuarta sai fali kada Sesta," katak Armindo.(*)