Login to your account

Username *
Password *
Remember Me

Xefe Suku Buruma Konsidera Deputada Helena Ko’alia ‘Arbiru’ iha PN

Deputada husi bankada FRETILIN, Helena Martins Belo. Deputada husi bankada FRETILIN, Helena Martins Belo. Foto Suplay

Tempotimor (Baukau)-Xefe Suku Buruma, Postu Administrativu Baukau Vila, Munisípiu Baukau, Libório dos Santos Freitas konsidera Deputada husi bankada FRETILIN, Helena Martins Belo, ko’alia arbiru de’it iha Parlamentu Nasionál (PN), tanba lansa informasaun falsu kona-ba impede subsídiu US$200 komunidade.

Tanba, durante pagamentu subsídiu fim do anu US$200 iha tinan-2022, dadus ne'ebé utiliza, foti husi dadus tinan-2021 ba subsídiu Covid-19 nian, tanba ne'e fó impaktu ba komunidade ne'ebé antes la hatama dokumentus, hodi sai problema iha públiku.

"Ha'u komprende akontesementu ne'ebé iha komunidade balun lahetan nia direitu  US$200 ba fim do anu, ne'e deputadu nia família rasik, tanba ne'e mak nia preukupa tebes kanta to'o Parlamentu, ne'ebé ba ha'u, deputadu ba família", nia dehan iha servisu fatin, Sede Suku Buruma, Kuarta (18/01).

Maibé, Autoridade Buruma agradese mós ba Deputada, tanba bele toka ona Suku Buruma nia naran iha PN, maske deklarasaun ne'ebé toka iha PN la dadus kredivél.

Lista reklamante ba subsídiu fim do anu US$200, iha Suku Buruma, uma-kain hamutuk 19, ne’ebé inklui mós Deputada Helena nia família na'in-ida.

"Ita nia komunidade ne'ebé ha'u temi deputadu nia família ne'e, iha momentu ne'eba (tinan-2021) fó hatene tiha ona, sira rasik halo erru, sira prepara tiha, dokumentus la lori mai, rai fali iha uma, tanba ne'e la'os Xefe Suku, Xefe Aldeia mak impede sira nia direitu atu hetan subsídiu", nia afirma

Nune’e, nia konsidera deklarasaun, ne’ebé deputada ba toka iha PN, laiha kualidade, tanba la halo fiskalizasaun direita iha baze hodi rekolla dadus konkreta, maibé tuur de'it iha fatin mak simu telefone hodi naran toka halimar iha PN.

"Ami sente preukupa, tanba bainhira halo deklarasaun ruma ita nia deputada hanesan dewang terhormat halo deklarasaun iha Parlamentu, dengan tidak hormat, tanba deklarasaun lakredivel laiha kualidade", nia dehan

Nia mós rejeita informasaun husi deputada ne’e, kona-ba autoridade la atende telefone husi Deputada.

"Loos duni nia konfirma ha’u nia xefe Aldeia, maibé antes nia konfirma liuhusi telemovel, antes nia ko'alia, nia julga ona ha'u nia xefe aldeia, tuir informasaun ha’u rona," nia haktuir

Alende husi reklamante 19, benefisiariu hamutuk na'in-54 mak la simu subsídiu, tanba balun hetan saláriu liu US$500, balun mate ona laiha membru agregadu família atu subtitui, iha naran dobru, maibé autoridade konsege rezolve, inklui komunidade na'in-ida hetan divórsiu, maibé ba ona servisu iha rai liur, nune'e nia oan labele subtitui atu simu subsídiu, tanba idade seidauk to'o tinan 17.

Tótal benefisiáriu subsidiu fim do ano iha Suku Buruma hamutuk 796 kompostu husi Aldeia  Casmutu iha 149, Ono-sere iha 259, Suli-ua iha 302 no Tasi iha 89 ho tótal orsamentu hamutuk US$159.200 no divolve fali osan ba banku hamutuk rihun US$10.800 hosi tótal orsamentu transferensia hamutuk US$170.000.

Alende ne’e, rejeita mós deputada nia deklarasaun kona-ba Uma Kbiit Laek (UKL) faze dahuluk iha Suku Buruma, seidauk remata ne’e lalos, tanba fizikamente konklui ona, maibé presiza mós hadi'a tán fasilidade balun hodi tempu badak halo inagurasaun.

"Seidauk kompleta mak rampa ne'ebé mak la tuir standar PNDS nian, no iha eskada balun presiza hadi'a", nia hakotu

Tanba antes ne’e, iha loron tersa 17 fulan-janeiru tinan 2023, deputada husi bankada FRETILIN, Helena Martins Belo hatete, Xefe Suku Buruma, Postu Administrativu Baukau Vila, Munisípiu Baukau impede subsídiu fim do anu US$200.00 ba ninia komunidade.

"Subsídiu famíliar US$200 iha Munisípiu Baukau barak la simu, liu liu Suku Buruma, ninia fukun barak liu mai husi Xefe suku, ema xefe aldeia ba Rekolla ona dadus atu hatama, maibé nia hatama fali ba Gaveta, sira nia la iha fatin", dehan nia iha Parlamentu Nasionál.

Nia mós dehan, konstrusaun ba Uma Kbiit Laek (UKL) iha Suku Buruma to'o agora etapa dahuluk de’it mós seidauk finaliza. (*)

Rate this item
(0 votes)
Last modified on Thursday, 19 January 2023 15:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter