Login to your account

Username *
Password *
Remember Me

Saúde Baukau Kontinua Fó Vasina ba Komunidade

Responsavel Imunizasaun Munisípiu Baukau, Artemizia Arceres Ximenes Guterres, ko'alia hela ba mídia iha kna'ar fatin Reamare, segunda (30/05). Responsavel Imunizasaun Munisípiu Baukau, Artemizia Arceres Ximenes Guterres, ko'alia hela ba mídia iha kna'ar fatin Reamare, segunda (30/05). Foto Tomas Freitas

Tempotimor (Baukau)‐Servisu Saúde Munísipiu Baukau, kontinua esforsu hodi fó vasina kontra pandemia covid-19 nian ba komunidade iha Baukau.

"Ami sei la'o nafatin, tanba foin dadauk ita nia komunidade seida'uk hotu, ami ba fali eskola, maibé agora ami la'o nafatin metas ne'ebé iha," dehan responsavel imunizasaun Munisípiu Baukau, Artemizia Arceres Ximenes Guterres, iha kna'ar fatin Reamare, segunda (30/05).

Tarjetu vasina husi nasionál ba Munísipiu Baukau 73.317, husi númeru ne'e, sidadaun 64.338 ho pursentu 88  simu ona vasina Astrazeneka doze dahuluk, sidadaun 55.170 simu ona doze segundu ho pursentu 75, sidadaun ne'ebé seidauk simu vasina doze segundu hamutuk 9.168, enkuantu iha Munísipiu Baukau sidadaun 8.979 mak seidauk simu vasina doze dahuluk.

"Ne'e la'os faillansu (sira ne'ebé seidauk simu vasina doze dahuluk) dala ruma ema sira ne'e sai tiha ona no balun hela tiha ona fatin seluk ona," nia argumenta

Enkuantu tarjetu ba vasina Pfizer nian, labarik idade husi 12 to'o 18 mai kraik, iha Munísipiu Baukau hamutuk 18.889.

Husi númeru ne'e, 16.326 ho pursentu 86 mak simu ona doze dahuluk, seidauk simu doze dahuluk hamutuk 2.563, maibé iha na'in-15.555 mak simu ona doze kompletu.

"Eskola ita remata ona, maibé balun tama tiha ona ba 18 tahun, nia tarjetu mak husi 12 minimu husi 18, husi 18 tahun ne'e ita fó Astrazeneka, ne'ebé agora sira fó fali Pfizer, entaun tenke hadi'a fali dadus sira ne'e," nia hatete

Tarjetu vasina Pfizer ba labarik sira ne'ebé la eskola hamutuk 957, husi númeru ne'e, na'in-107 ho pursentu 11 mak simu ona doze dahuluk, iha na'in-22 mak kompleta ona vasina.

Entretantu vasina Booster iha Munísipiu Baukau sidadaun na'in-9.884 mak simu ona. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter