Tuir kronolojia ne'ebé konta husi família Vítima Manuel Pereirra, ne'ebé lakohi publika naran katak, Suspeitu ne'e profesór ida ne'ebé hanorin iha Ainaro mak halo asaun asasinatu hasoru vítima Manuel Pereirra.

"Suspeitu ne'e tanba tuir segredu justisa nian ita la bele temi ema nia naran, Suspeitu ne'e ho inisial naran EA, no Suspeitu hanesan profesór ida iha Ainaro”, dehan nia iha mortuáriu Ospitál Nasionál Guidu Valadares (HNGV), domingu (13/03).

Antes ne'e iha duni akontese kazu tá malu entre Vítima ho Suspeitu ne'ebé akontese iha tinan 2016 no matebian Manuel Pereira konsege kumpri pena prizaun durante tinan 4 ho balun.

"Iha duni kazu ida ne'ebé akontese iha tinan 2016 ba ne'ebé ba rezove to'o Tribunál ne'ebá hotu ona, problema uluk ne'ebé akontese ne'ebé mak problema Suspeitu ho vítima ta malu no hotu ona iha Tribunál no maun mós ba kumpri nia pena prizaun durante tinan 4 ho balun ne'ebé hotu ona, ne'ebé nia sai mai halimar iha li'ur ba vizita nia família sira mak Suspeitu kala nia fuan moras ne'ebé tá vítima halo estraga”, esplika nia.

Maibé akontese asasinatu iha Munisípiu Ainaru ne'e família konsidera ne'e kazu foun ida ne'ebé mak akontese, dadaun ne'e mate isin iha ona HNGV hodi halo autopsia ba matebian Manuel Pereirra. (*)