"Imi fó tinan lima mai ha'u, ha'u promete sei servisu maka’as para hari’i Timór nu’udar illa da paz, illa dame, para kosok oan sira, joven sira, inan sira bele moris hakmatek”.

“Hamutuk ho Governu, ho Parlamentu Nasionál, no komunidade internasionál, ita sei halo esforsu hothotu, para Oekussi fronteira tomak husi Batugade to'o Suai-Covalima ne'ebá e munisípiu hothotu ita bele haree progressu ema nia vida loroloron”, dehan nia hafoin hala'o kampaña eleitorál, iha Rejiaun Administrativu Espesiál Oekussi Ambeno (RAEOA), domingu (13/03).

Durante hala'o kampaña, Horta mós husu, ba Oekussioan sira, liliu joven feto no mane atu hatudu komportamentu di'ak, no kaer metin unidade, dame, kaer metin domin, labele monu ba tentasaun violénsia, droga, ka ba krime oioin, ne'ebé sei mosu.

"Ne'e duni povu Atonioan, ha’u-nia lianfuan mak ne'e de'it, hakuak boot ba imi hothotu, ita de’it hasoru malu iha dia 19 marsu, iha fatin ne’ebé de'it mak ida-idak vota, e vota ho konsiénsia no matenek, e keta vota sala”, dehan nia. (*)