Komadante Komandu PNTL Baukau, Superintendente António De Sá, hatete, krime omesidu ne'e involve husi suspeitu na'in-3 ho naran inisiál DC idade-23, JFX idade-21 no CJX idade-26, husi Aldeia Loidua, Suku Buiabau, Postu Adminisitrativu Baukau Vila.

"Suspeitu hodi kalan ita kaer, ohin dader ita submete mai agora dadaun iha hela oras 12 (sela PNTL Baukau) halo identifikasaun depois aprezenta ba Minisitéiru Públiku," dehan komadante PNTL Baukau iha kna'ar fatin, domingu (13/03).

Vítima JX idade-21 ne'ebé mate, parte seksaun invertigasaun PNTL Baukau lori ona mate isin ba Ospitál Nasionál Guido Valadares (HNGV-sigla portugés) Dili hodi halo autópsia.

"Lori ona ba Dili submete ba prosesu autópsia depois mak ita fó sai loos, baku ne'e iha parte saidá," nia hatete

Sasin ba akontesimentu ne'ebé hato'o iha parte segúransa PNTL Baukau, katak, bainhira sira fahe hela hahan ba apoinate sira, mak derente grupu ida atake matebian JX.

Enkuantu husi parte suspeitu no vítima iha relasaun família, maibé uza oportunidade kampaña hodi halo asaun ba malu.

"Autór mak sira na'in-3 ne'e, sira ne'e mai husi grupu GAM, ita halo hela identifikasaun, tanba juiz sei iha Dili, aban nia mai ita relata kazu ne'e ba, depois aprezenta ba Tribunál, primeira interogatóriu," nia hatete

Enkuantu akontesementu iha loron 12 fulan-marsu tinan 2022 (hoseik) tuku 02:00 parte loraik asaltu malu iha parte Darasula rezulta JX mate, hafoin suspeitu ho vítima partisipa iha kampaña kandidatu Prezidente da Repúblika (PR) Francisco Guterres Lu-Olo iha Darasula Baukau.

PNTL Baukau rejistu mós vítima na'in-ida hafoin fila husi fatin kampaña tuir dalan atu fila ba uma mak, ema deskoiñesidu tuda iha parte Uainiki rezulta vítima hetan kanek iha parte matan fukun.

Entertantu PNTL Baukau kontinua hein relatóriu husi komadante PNTL eskuadra sira husi Postu Adminisitrativu Baguia, Kelikai no Laga kona-ba apointe kandidatu PR númeru sorteiu 6 ne'ebé fila tuir dalan hetan asidente. (*)