“Ba eleisaun prezidensial tinan ida ne'e, públiku tomak hatane, Partidu Demokr’atiku nomeia ona nia Manu Aman Mariano ‘Assaami’ Sabino Lopes, hodi kompete mós iha eleisaun prezidensiál. Ho nesesidade tomak Estadu no povu ida ne'e nian mak movimentu afirma nia pozisaun hodi deklara ofisialmente atu submete nia kontinuasaun apoiu tomak ba kandidatu Xefe-Estadu perídu 2022-2027”, deklara Denilson iha Aspol Kaikoli, sábadu (19/02).
Bazeia ba desizaun ida ne'e foti, hafoin observa husi sirkunstansia hothotu, orgaun tomak MJMND nian tetu mós ho ideia no ezizénsia kanstitusionál sira. ne'ebé preve iha artigu 74, Konstituisaun RDTL.
Tanba movimentu prefere Kandidatura husi Partidu Partidu Demokrátiku ho númeru sorteiu 16 ne'e nu'udar líder foinsa'e ida ne'ebé eselente iha maturidade palitika, unifikadór, intergridade polítika di'ak.
Nu'udar ema ida ne'ebé tane lisan no valór demokrasia sira, prudente, hakruk no respeita Konstitusaun Repúblika Demokrátika Timor-Leste.
“Era independénsia Assanami ho nia kapasidade intelektuál hamutık ho kompañeiru sira funda Partidu Demokratiku no hetan mós konfiansa husi povu hodi partisipa iha Asemblia Konstituinte nu’udar reprezentante povu nia hodi hakerek lei inan Kontuisaun RDTIL”, afirma nia.
Iha ámbitu Konstrusaun Estadu no Dezenvolvimentu Nasional, líder foinsa'e ida ne'e kontinua hetan fiar husi povu hodi partisipa nu'udar pesoál importante iha orgaun sobrania rua hanesan, Dragaun Ezekutiva, nu'udar Ministru Agrikultura no Peska iha kuartu Governu Kontitusionál no iha Orgaun Lezislativa nu'udar Prezidente bankada PD iha uma fukun Parlamentu Nasionál.
Ho ida ne’e, banati ba fundamentasaun hirak ne'ebé mak Movimentu Juentude Maubere Nasionalista Demokratiku iha esperansa no fiar katak Kandidatu Asanami sei sai Prezidente Repúblika períodu 2022-2027. (*)