“Ohin balun sei dehan kandidatu Lú Olo sei ba segundu ronde, e ha'u sei husu filafali ba segundu ronde ne'e ho sé los, laiha ema ida, ha'u fiar sei manán iha primeira ronde”, dehan Alkatiri iha ninia diskursu abertura seremónia Konferénsia Nasionál Organizasaun Popular Mulher Timor-FRETILIN iha salaun Katedral Bebora, sesta (11/02).
Antes ne’e, Reprezentante ekipa susesu Lú Olo, Fernando Dias Gusmão hatete, ekipa Francisco Guterres 'Lú Olo' lori ona dokemntu ba rejistu kandidatura iha Tribunál Rekursu atu kompete iha eleisaun prezidensiál.
“Ami husi ekipa Francisco Guterres 'Lú Olo' ninian ami lori mai rejista ona ninia kandidatura e husi Tribunál Rekursu sira dehan dokumentu ne'ebé ami aprezenta maizomenus tuir ona lei ba eleisaun Prezidente Repúblika prezide, e ami primeiru ami lori karta aseitasaun husi kandidatu ninian, segundu karta rezignasaun ninia reprezentante no teriseiru ami lori dokumentu komprovativu lista asinatura no kartaun eleitora husi sidadaun rihun-sia (9000)”, dehan nia iha Tribunál Rekursu Kaikoli, segunda (31/01).
Rejistu ho apoiante 9000 (rihun-sia) de'it tanba ekipa hakarak ajuda Tribunál Rekursu halo verifikasuan ne'ebé lais liu, maibé dokumentu ne'ebé povu tomak entrega ba FRETILIN hamutuk rihun-atus-ida-ruanulu-resin-lima 125.000. (*)
