Login to your account

Username *
Password *
Remember Me

Defisiente Kritika KO ba Komemorasaun Loron 28 Novembru Laiha Kordenasaun 

Defisiente Andre da Costa Conis Soares. Defisiente Andre da Costa Conis Soares. Foto Tempo Timor

Tempotimor (Baukau)-Defisiente Kritika Komisaun Organizadora (KO) ba komemorasaun loron Proklamasaun Indepedénsia 28 novembru dala-46, laiha kordenasaun bainhira prepara fatin ba ema ho defisiensia iha Aldeia Darasula, Suku Gariuai, Postu Administrativu Baukau, Munisípiu Baukau.

Andre da Costa Conis Soares, hanesan ema ho difisiensia hatete, nia parte sente kontente partisipa iha Komemorasaun loron Proklamasaun Indepedénsia ba dala-46, maibé sente triste tanba aman veteranu sira ne'ebé mak uza kadeira roda difisiensia nian la bele asesu to'o iha palku leten hodi hamutuk ho nia maluk sira.

"Ami-nia preukupasaun mak ne'e, antes atu halo fatin ruma, tenke kordena hamutuk ho organiza difisiensia sira para sira bele haree fatin ne'e oinsa para ema difisiensia sira bele asesu hotu", dehan Andre iha Darasula, Baukau, domingu (28/11).

Preukupasaun balun mós fatin toilet ne'ebé mak prepara husi komisaun Organizadóra  ba ema ho difisiensia sira mós la siensivel, tanba susar atu ema ho difisiensia asesu bainhira presiza. 

Parte seluk nia mós agradese ba luta na'in sira ne'ebé mak dedika-an tomak hodi hari’i no funda nasaun nia Indepedénsia to'o ohin loron ema hotu hetan Indepedénsia.

Nune'e Jecario da Silva husi Asosiasaun Difisiensia Timor-Leste nia parte sente kontente bainhira partisipa iha eventu importante ne'e.

"Ami-nia observasaun komisaun organizadóra nia preparasaun ladun másimu hodi hatan ba ema ho difisiensia sira", afirma nia.

Situasaun ne'ebé mak hanesan ema ho difisiensia sira preukupa iha tereñu fatin seremónia isar bandeira Darasula, Baukau, lolós Veteranu sira ne'ebé mak hanesan difisiensia tuur mós iha palku leten, maibé komisaun organizadóra la prepara kondisaun ho di'ak, fatin ne'e rasik esklui tiha Veteranu difisiensia sira tuur fali iha fatin ne'ebé mak la dignu ba sira. (*)

Rate this item
(0 votes)
Last modified on Sunday, 28 November 2021 18:00
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter