Login to your account

Username *
Password *
Remember Me

Kombatente Sobrevivente Tenke Sai Modelu Di'ak ba Kompatriota

Prezidente Repúblika (PR), Francisco Guterres 'Lú Olo'. Prezidente Repúblika (PR), Francisco Guterres 'Lú Olo'. Foto Suplay

Tempotimor (Baukau)-Prezidente Repúblika (PR), Francisco Guterres 'Lú Olo' husu, ba kombatente sobrevivente sira atu sai modelu di'ak ba kompatriota hothotu iha rai laran.

"Tamba ita fó-hanoin ohin ita hotu nia luta eróika ba Ukun Rasik-An, ha'u hakarak halo apelu espesiál ba Kombatente sobrevivente sira atu sai modelu di'ak ba kompatriota hothotu. Maluk sira iha dever atu buka hato'o ba kompatriota sira seluk, valór no prinsípius ne'ebé tane metin ita-nia unidade nasionál no lori ita ba vitória, iha Referendu 1999", dehan PR Lú Olo iha selebrasaun 28 novembru iha Darsula, Baukau, domingu (28/11).

Tanba valór no prinsípius luta nian mak barani, determinasaun, espíritu servisu no kapasidade atu konsente sakrifísiu ne'ebé de'it ba povu moris-di’ak koletivu iha Timor-Leste livre no independente. 

"Biar ida-idak iha nia hanoin rasik, ha'u fiar katak ita bele tuur hamutuk hodi hetan objetivu estratéjiku liuhusi implementasaun planu  dezenvolvimentu Nasional", afirma nia.

Maibe atu valoriza duni eroína no erói sira-nia sakrifísiu ba Timor-Leste, “ha'u konvida kompatriota sira hotu atu kaer hanoin ida no hakarak ida de'it kore-an husi kiak no mukit nu'udar Povu Timor-Leste”. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter