Tuir informasaun ne’ebé www.tempotimor.com asesu iha pájina Ministériu Justisa, tersa (05/06) katak, enkontru ne’ebé hala’o iha Ministériu Justisa ne’e, ho objetivu hodi husu Ministru Justisa nia hanoin kona-ba kriasaun Assosiasaun Esperansa Feto Defisiensia Timor-Leste no husu Ministru Justisa atu sai Konselleru ba Assosiasaun.

Tanba Asossiasaun Defisiensia barak iha Timor-Leste maibé laiha assosiasaun ida mak espesifiku tau matan ba labarik feto defisiente no feto defisiensia sira.

Assosiasaun ne’ebé sei hari’i husi feto defisiensia na’in-9 sei haree liuba Justisa ninian, no sei fó assistensia Justisa ba feto defisiensia sira ne’ebé hetan asaun krime husi sidadaun sira.

Durante ne’e assosiasaun ne’e fó assiténsia ona ba kazu balun ne’ebé mak feto defisiente sira hasoru hanesan Violénsia domestika, seksuál, no fiziku husi família uma laran no husi komunidade.

Nune’e husi asosiasaun haforsa advokasia mai iha uma mahun, hamutuk ho AlFela hodi fó assistensia ba vítima sira.

Assosiasaun rasik iha programa haat hanesan 𝑎𝑠𝑠𝑖𝑠𝑡𝑒𝑛𝑠𝑖𝑎, 𝑎𝑑𝑣𝑜𝑘𝑎𝑠𝑖𝑎 𝑒𝑓𝑒𝑡𝑖𝑣𝑢, 𝑘𝑜𝑜𝑝𝑒𝑟𝑎𝑡𝑖𝑣𝑎 𝑛𝑜 𝑖𝑘𝑢𝑠 𝑚𝑎𝑘 𝑘𝑎𝑝𝑎𝑠𝑖𝑡𝑎𝑠𝑎𝑢𝑛 𝑚𝑒𝑚𝑏𝑟𝑢.

Ministru Justisa, Tiago agradese ba Koordenadora Asosiasaun Magdalena ho ninia ekipa no husu atu prepara sira-nia estatu no submete mai Ministériu Justisa. (*)