Login to your account

Username *
Password *
Remember Me

Daitula ho Sabalae Lakon, Lere Deskonfia Líder Frente Klandestina

Xefe Estadu Maior-Jenerál FALINTIL-Forsa Defeza Timor Leste (F-FDTL), Tenente-Jenerál Lere Anan Timur, diskursu hela iha área Komandante David Alex ‘Daitula’ lakon, Baukau, sábadu (27/11). Xefe Estadu Maior-Jenerál FALINTIL-Forsa Defeza Timor Leste (F-FDTL), Tenente-Jenerál Lere Anan Timur, diskursu hela iha área Komandante David Alex ‘Daitula’ lakon, Baukau, sábadu (27/11). Foto Tempo Timor

Tempotimor (Baukau)-Xefe Estadu Maior-Jenerál FALINTIL-Forsa Defeza Timor Leste (F-FDTL), Tenente-Jenerál Lere Anan Timur hatete, nia parte deskonfia líder frente klandestina sira kona-ba Komandante Pedro Nunes ‘Keri Laran Sabalae’ ne’ebé lakon iha área Ermera, loron 29 Juñu 1995 ho Komandante David Alex "Daitula" lakon iha Baukau, loron 27 fulan-juñu tinan-1997.

"Saudozu Daitula lakon, até agora ema ida la esplika, ha'u hein iha Atelari ne'eba, se mak mai informa lakon tanba ida ne'e, ami komesa deskonfia malu, ha'u hatete momos ba imi alin patriota sira ha'u komesa deskonfia frente klandestina liliu líder sira tanba laiha esplikasaun", dehan Lere, iha serimonia reflesaun David Alex ‘Daitula’ nia lakon, Baukau, sábadu (27/11).

Iha momentu uluk saudozu L4 sei moris atu halo ona problema iha Baukau, tanba L4 ho nia membru sira ne’ebé subar komadante Lere iha Atelari to'o funu remata laiha liman ain ida mak falta, maibé tanba saida saudozu Daitula lakon iha Baukau besik ona odamatan ukun-an nian, maibé laiha ema ida mak esplika.

Komandante Daitula nia lakon, Lere deskonfia líder klandestina balun, tanba laiha esplikasaun, nune’e saudozu Nino Konis Santana mate tanba moras, maibé sempre mosu dúvida, enkuantu saudozu Sabalae lori surat ba Ermera mós lakon iha dalan ema ida la ko'alia.

Nune’e mós iha deskonfia ba líder klandestina sira hotu, tanba sira mak iha ligasaun ho komadante Daitula, maibé Daitula nia lakon mós se mak traisaun, se laiha naran.

Komandante Daitula ba Jenerál Lere Anan Timur ema ne'ebé mak kuadru importante no maduru, tanba ema ne'ebé mak preukupa ho nia responsabilidade no halo planu oinsá atu rai Timor hetan ukun rasik-an.

"Kuandu lakon ha'u dehan tanba saida mak lakon, ami rua marka enkontru iha Laivai, iha dia 24 de juñu 1997, diferensia loron ida nia lakon, ha'u hein to'o kalan la mai, ha'u dehan tanba sa nia la mai, dader labarik sira informa katuas Daitula ema ka'er ona", informa Lere.

Bainhira, Lere rona saudozu Daitula lakon, nia parte sente triste, tanba atu hasoru malu tan ko'alia kona-ba orden operasaun nian, maibé buat hirak ne'e la realiza, tanba ne'e, tempu mak sei ko'alia neneik lian sei sai, kona-ba saudozu Daitula no saudozu Salabae lakon lolós kauza husi saida.

Iha kaisa klandestina nia vantajen bele apoiu Falintil, maibé iha mós nia dezvantajen, tanba traisaun mós barak.

Traisaun mosu iha Dilor, forsa Falintil barak mak lakon vida, maibé ohin loron ema hotu klandestina no sai rezistensia 18, 19 to'o 24 anós. (*)

 

Rate this item
(5 votes)
Last modified on Saturday, 27 November 2021 21:06
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter