Login to your account

Username *
Password *
Remember Me

Lú Olo ho Mari Konsege ‘Impede’ Esforsu Lere Lidera FRETILIN

Delegadu na’in-992 partisipa Kongressu Nasionál FRETILIN ba dalimak iha Sentru Konvensaun Dili (CCD), kinta (08/09). Delegadu na’in-992 partisipa Kongressu Nasionál FRETILIN ba dalimak iha Sentru Konvensaun Dili (CCD), kinta (08/09). Foto Suplay

Tempotimor (Dili)-Pakote ne'ebé aprezenta Prezidente Partidu FRETILIN, Francisco Guterres ‘Lú Olo’, no Sekretáriu Jerál Mari Bin Amude Alkatiri iha Kongressu Nasionál FRETILIN ba dalimak konsege impede Tenente Jenerál Reformadu, Lere Anan Timur, ninia esforsu no mehi atu lidera Partidu FRERILIN.

Maske, Membru Comite Central FRETILIN (CCF), Segundu Jerasaun, Lere Anan Timur rasik iha loron 14 Jullu 2022 deklara ona katak FRETILIN tenke manán eleisaun jerál 2023 maibé nia tenke okupa fatin ruma iha FRETILIN atu lori FRETILIN ba oin no hakuak povu tomak, inklui líder polítiku sira nomós partidu CNRT ne'ebé lidera husi Kay Rala Xanana Gusmão.

Tenente Jenerál reformadu, Lere Anan Timur ko'alia ne'e tanba lakohi Partidu boot sira depende bá partidu ki’ik, no ki’ik mak tenke depende ba partidu boot.

Tanba bainhira partidu boot mak depende nafatin bá ki’ik ne’e hanoin katak ne'e sei luta ba ida-idak nia kadeira no luta ba ida-idak nia moris no la luta ba moris di’ak, ida-ne’e mak nia esforsu atu avansa nu’udár servidór iha partidu FRETILIN iha kongresu nasionál partidu FRETILIN.

Maibé felismente mehi ne'ebé Lere iha, la konsege sai realidade tanba hetan impedimentu husi Prezidente Partidu FRETILIN ho Sekretáriu Jerál Mari Bim Amude Alkatiri.

Liuhusi Kongresu Nasionál ba dalimak ne'ebé Frente Revolusionária Timor-Leste Independente (FRETILIN) hala'o iha loron-8 fulan-Setembru tinan-2022, partisipa husi delegadu hamutuk na'in-985 husi rejiaun no munisípiu sira hotu.

Nune'e loron dahuluk Kongressu nian, haktuir ba rekezitu estatutóriu no rejimentu Kongresu Nasionál nian, ne’ebé aprova husi Komité Sentrál FRETILIN no komfirma iha kongressu, kongresista sira aprezenta pakote rua ne’ebé atu kompete iha eleisaun lideransa FRETILIN nian.

Durante prosesu verifikasaun ne’ebé Komisaun Verifikasaun poder Kongressu nian hala’o, proponente sira husi pakote segundu ne’ebé aprezenta husi Lere Anan Timur ho Rui Maria de Araújo desirde retira sira-nia pakote, tanba la priense rekezitu nune’e pakote ida de'it mak kontinua no ikus mai prienxe kritéria atu kompete.

Tanba tuir rejimentu kongressu nasionál nian, kona-ba atu hili Prezidente no Sekretáriu Jerál FRETILIN nian ne’ebé Komité Sentrál FRETILIN aprova iha Artigu 12 aliena 3. B hatete katak “Lista ida tenke mai husi pelomenus 20% delegadu kongressu nian, fahe proporsionalmente tuir reprezentatividade geográfika, delegadu 10 kada munisípiu ka reziaun, eseptu Ataúro ho delegadu 5”.

Nune'e mós Lei Sobre Partidu Polítiku sira númeru 3/2004 ne’ebé mak altera ho Lei Númeru 2/2016, rekere lideransa topu partidu polítiku sira so bele eleje liuhusi eleisaun sekreta.

Iha Artigu 18 pontu C husi Lei Númeru. 2/2016 hatete “Titular sira orgaun diresaun nian so bele eleitu, liu husi votu direitu no skretatu husi filiadu sira hotu ka assembleia ne’ebé reprezenta sira”.  

Tuir termu lei ida-ne’e, kongresista sira ne’ebé iha direitu ba vota, ezerse sira-nia direitu no liu husi eleisaun sekretu, no diretu ho universál ida-ne'e mak konsege lori Francisco Guterres ‘Lú Olo’ re-eleitu ba kargu Prezidente FRETILIN no Mari Bin Amude Alkatiri ba kargu Sekretáriu Jerál FRETILIN ho totál votu afavór ba pakote ida-ne'e hamutuk 764, vota kontra hamutuk 106 no vota nullu hamutuk 47.

Husi rezultadu votasaun ida-ne'e hatudu ona katak kongresista sira hotu eleje ona sira-nia direitu votu, tuir lista partisipante husi delegadu hamutuk na'in-917 ne'ebé vota iha eleisaun ba lideransa.

Bazeia ba rezultadu ida-ne'e mak iha loron sesta (09/09), Partidu FRETILIN deside fó tomada pose ba Prezidente FRETILIN releitu Francisco Guterres ‘Lú Olo’ no Sekretáriu Jerál FRETILIN, Mari Bim Amude Alkatiri.

Prezidente FRETILIN, Francisco Guterres ‘Lú-Olo’ hatete, rezultadu ida-ne'ebé iha, hatudu FRETILIN sai partidu ida ne’ebé mak metin, ho vizaun no misaun klaru ba Timor-Leste nia futuru atu lori naroman ba povu.

“Kona-ba rezultadu eleisaun ba lideransa FRETILIN iha Kongressu, Dr. Lú Olo esplika katak “prosesu eleisaun ne’e prosesu internal FRETILIN nian. Ne’e demokrasia no iha FRETILIN, laiha ida mak lakon laiha ida mak manán”, afirma Lú Olo.

Kongressu Nasionál FRETILIN nian sei hala'o durante loron tolu hahú husi loron-8 no remata iha loron-10 fulan-setembru tinan-2022. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter