"Ha'u hakarak atu dehan ba maun sira, ita halo tiha ona funu, ita sakrifika tiha ona, ne'ebé ita-nia direitu prontu, tenke liu oituan saida mak lei hatete, maibé ita tenke hanoin mós ba ita-nia povu, se ita mesak de'it mak iha direitu, taun hanesan ne'e di'ak liu, ita mesak mak ukun rai ida ne'e, taun prontu, Lú Olo bele,Taur Matan Ruak bele, Lere bele, Xanana mós bele, sé tan bele, ita de'it mak ukun-an balun ne'e ita bele", dehan PR Lú Olo bainhira hali diálogu ho veteranu sira iha Sentru Konvensaun Baukau, sesta (26/11).
Maibé la to'o iha ne'e, estadu tenke tau matan ba ema hotu, nia maun alin sira iha direitu saida mak sira bele hetan, maibé povu enjeral Governu tenke buka atu hadi’a sira-nia moris.
"Enjeral nian tenke hadi’a nafatin, ita tenke tau matan, ida ne'e mak valor ita-nia luta ninian, se ita luta para depois direitu de'it, entaun ida ne'e valór laiha, ita-nia luta laiha valór", afirma Lú Olo.
Tanba ne'e mak estadu hambrik ho lei, estadu ida tenke halo ho programa, halo planu halo ho programa, atu la'o ba oin.
"Veteranu sira ne'e buat ida ketak, ne'e ita respeita, agora 15 a 19 anos lei hatete katak, partir 15 to'o 24 anos sai veteranu, ne'e konsideradu hanesan veteranu la importasaun ida, katak ne'e asaun kontinua", dehan nia. (*)