UNDP Apoiu Kámera Drone 4 Ba SEPS Identifika Fatin Risku

Reprezentante UNDP iha TL, Tuya Altangerel esplika hela apoiu ne'ebé sira fó ba Sekretária Estadu Protesaun Sivil (SEPS), Joaquim Gusmăo iha Kaikoli, tersa (15/06). Reprezentante UNDP iha TL, Tuya Altangerel esplika hela apoiu ne'ebé sira fó ba Sekretária Estadu Protesaun Sivil (SEPS), Joaquim Gusmăo iha Kaikoli, tersa (15/06). Foto Tempo Timor

Tempotimor (Dili)-Organizsaun Nasaun Unidas United Nations Development Programme (UNDP) apoiu kámera dron hamutuk haat (4) ba governu liuhusi Sekretária Estadu Protesaun Sivíl (SEPS) hodi identifikasaun fatin risku ba Dezastres Naturál (DN) inklui halo mapeamentu.

“Ohin loron, ami entrega ekipamentus drons haat, loloos ne'e 6, mais 2 sei mai tan. Dron ida ne'e ho ninia kualidadee aas los, atubele utiliza ba kolesaun dadus, depois bele halo mapeamentu ba vulnerábilidade, área ne'ebé mak ita presiza halo mapeamentu ba risku dezastre ninian. Ida ne'e mak ohin UNDP fó, no ida sei ajuda teb-tebes ba sekretária estadu ba futuru oin mai, oinsá bele hola dadus, hafoin hola mapeamentu”, dehan reprezentante UNDP iha Timor-Leste (TL), Tuya Altangerel, hafoin entrega apoiu ba SEPS iha Kaikoli, tersa (15/06).

Dadaun ne'e UNDP fó hela nia apoiu ba atividade survei kona-ba situasaun dezastre ne'ebé durante mosu iha TL, hodi identifika sasán saida mak komunidade sira lakon, no balu estragu.

Tanba survei ida ne'e halo ona kapitál Dili no tuir dadus husi UNDP nian, iha uma-kain hamutuk rihun-6 mak sei hola parte iha survei ne'e nia laran, maibé sei kontinua mós munisípiu Likisá, Manatutu ho Baukau, no iha tempu badak sei anúnsia nia rezultadu finál kona-ba dadus hirak ne'ebé hetan.

“Agora dadaun UNDP hamutuk ho governu Timor-Leste, apoiu husi Banku Dezenvolvimentu Aziátiku (ADB) ninian, sira implementa programa dehan ‘Cash for World’ nian ne'ebé mak suporta ba aldeia 15 ba ema ne'ebé mak servisu atu hamoos valeta, estrada ka hamoos uma sira ne'ebé mak estragus husi inundasaun, no kada loron ema ida sei hetan dolár US$5 to'o US$7”, informa nia.

Aliende ne’e Sekretáriu Estadu Protesaun Sivíl (SEPS), Joaquim Gumăo dos Reis hatete, apoiu husi UNPD nu'udár projetu dahuluk husi Green Climate Fund (GCF).

“Projetu ida ne'e hala'o tiha ona, e parte husi protesaun sivíl nian, mak sei hari'i mós laboratórium ida ne'e, nomós sei halo data, dadus sira ne'ebé maka halo mapeamentu ida ba fatin sira ne'ebé risku ba dezastre, hodi nune'e ita bele halo metigasaun ho prevensaun bainhira seidauk akontese dezastre, nomós seidauk akontese dezastre, iha mós bele halo data no survei ba fatin sira ne'ebé mak risku dezastre”, afirma nia.

Entretantu, kámera dron haat ne'ebé UNDP apoiu, kada kámera ho nia asesoria sira, présu hamutuk rihun-6 (US$6,000 miil), nune'e kámera dron 4 ne'e, ho sosa ho valór osan hamutuk US$24.000.

Aleinde ne'e, UNDP mós sei fó treinamentu ba ofisiál média sira oinsá bele hatene utiliza kámera dron hirak ne'e, hodi bele prátika ho di'ak liután. (*)

 

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2021 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter