Login to your account

Username *
Password *
Remember Me

SEPS Apoiu Matérial Rekoperasaun ba Vítima Dezastre Natural 54 iha Bukoli

Diretór Jerál SEPS, Superintendente Xefe, Ismael Babo fó hela apoi ba komunidade iha Bukoli, segunda (27/12). Diretór Jerál SEPS, Superintendente Xefe, Ismael Babo fó hela apoi ba komunidade iha Bukoli, segunda (27/12). Foto Suplay

Tempotimor (Baukau)-Sekretária Estadu Protesaun Sivil (SEPS) liuhui Diretór jerál Protesaun Sivil diresaun nasionál jestaun dezastre naturais hamutuk ho Autoridade Munisípiu Baukau apoiu ona matérial rekuperasaun ba vitíma dezastre natural uma ka'in hamutuk 54 iha Bukoli.

Diretór Servisu Munisípal Protesaun Sivil Jestaun Dezastre Munisípiu Baukau, Nelson Nunes hatete, rezultadu husi verifikasaun ikus ba uma hirak ne'ebé hetan estragus husi udan no anin iha loron 21 fulan-dezembru tinan 2021 inklui mós uma-4 ne'ebé ai-han mutuk iha loron 10 fulan-outubru tinan 2021 iha Aldeia Luliheni.

"Halo ona apoiu rekuperasaun matérial konstrusaun ba vitíma dezastre naturais iha Bukoli hamutuk 54 ne'ebé horseik ita apoiu ona matérial konstrusaun ba sira," dehan Nelson, tersa (28/12)

Kada vítima simu kalen-50, semente-29, besi mili-meter-10 lolon-12, mili-meter-8 lolon-10, pregu kalen kilo-2 pregu ai sentimu kilo-4, pregu ai desetimu kilo-2 pregu ai dozesentimus kilo-2, arame inklui osan mão de obra U$$368.

Uma ne'ebé hetan estragus nato'on mós hetan osan mão de obra US$368, maibé iha diferente, tanba matérial rekuperasaun hanesan besi no kalen lasimu, inklui mós uma ne'ebé hetan estragus aat kaman, la hetan matérial rekuperasaun hanesan besi, semente, pregu ai nian, maibé simu pregu kalen, kalen tahan-50 ho orsamentu mão de obra US$150.

"Ita nia benefisiáriu no Autoridade iha ne'eba kontente, tanba ita nia resposta ne'e lalais liu kompara ho tinan hirak liu ba, akontese iha dia 21, 25 natal mós ami halo verifikasaun loron 3 de'it ita resposta kedas," dehan Nunes

Tanba ne'e, nafatin fó hanoin ba vitíma sira ne'ebé simu ona matérial rekuperasaun husi SEPS atu konstrui hikas hela fatin atu bele fó mahon satan netik loron manas no udan been.

"Tanba sira simu matérial ita mós sei halo monitorizasaun ba sira, uma ne'e halo ga la'e,"nia akresenta

Husi insiedente udan anin ne'ebé estragus uma komunidade inklui edifisiu públiku hanesan eskola EBF Bukoli sala-7 no kosiña Sede Suku-ida, maibé ne'e polítika rekuperasaun nian la autoriza atu apoiu matérial rekuperasaun.

"Ne'e la hateten atu apoiu, hanesan edifisiu públiku hanesan eskola Sede Suku, ne'e apoiu propriu ba uma hela fatin,"nia dehan

Nune'e, vitíma dezastre natural, Ilario Goncalves Soares Belo mós agradese ba esforsu tomak husi Autoridade Suku, tanba bele hetan apoiu matérial rekuperasaun lalais.

Enkuantu membru husi família vitíma dezastre naturais iha Bukoli hamutuk na'in-300 resin. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter