Login to your account

Username *
Password *
Remember Me

MNEK Submete Naran Embaixadór 13 Ba PM Taur, Maioria Husi FRETILIN

Ministra Negosiu Estranjeiru no Kooperasaun (MNEK), Adaljiza Albertina Xavier Reis Magno ko'alia ba Jornalista sira iha Palasiu Governu Ministra Negosiu Estranjeiru no Kooperasaun (MNEK), Adaljiza Albertina Xavier Reis Magno ko'alia ba Jornalista sira iha Palasiu Governu Foto Arkivu

Tempotimor (Dili) - Ministra Negosiu Estranjeiru no Kooperasaun (MNEK), Adaljiza Albertina Xavier Reis Magno, submete ona lista naran Embaixadór na’in-13 ba Primeiru Ministru (PM), Taur Matan Ruak.

Lista naran ne’ebé maioria kuadru sira husi Partidu FRETILIN maibe inklui mos kuadru importante balun husi Partidu Demokratiku, Ministra haruka ona ba xefe Governu atu bele haree no konsidera hodi deside atu haruka ba Prezidente Republika hodi deklreta, representa Timor-Leste ba nasaun 18.

Tuir dokumentus ne'e www.tempotimor.com konsege, Ministra Negosiu Estranjeiru no Kooperasaun argumenta, tanba, konsidera iha númeru 3 artigo 115” Lei fundamental nian, iha dispostu ba artigu 18” dekretu lei númeru 14/2012, iha 17 fulan-agustu, ne’ebé aprova iha lei governu konstitusional daualu, no iha konkordansia ho alterasaun ba dekretu lei númeru 20/2020, iha 28 fulan-maiu, no dekretu lei númeru 27/2020, iha 17 fulan-junu.

Observasaun ba dispostu iha dekretu lei númeru 29/2016, iha 29 fulan-junu kona-ba estatutu kareira diplomatika nian.

Ministra mós husu konsiderasaun governu nian iha proposta nominal ba Embaixadór foun nasaun Repúblika Demokrátiku Timor-Leste hanesan , Abel Guterres, Embaixadór Extraordináriu no Plenipotensiáriu ba iha Estadu Brunei Darussalam.

Antonito de Araújo, Embaixadór Extraordináriu no Plenipotensiário ba Timor-Leste iha Repúblika Uniaun Myanmar. No Eusébio Corsino de Araujo, Embaixadór extraordináriu no Plenipotensiário ba iha República Cuba.

Nune’e, Felicidade de Sousa Guterres, Embaixadora Extraordináriu no Plenipotensiáriu ba iha Reinu Bélgika no Reprezentante Permanente ba Uniau Europeia, no Filomeno Aleixo da Cruz, Embaixadór Extraordináriu no Plenipotensiári ba iha Repúblika Indonézia.

Aleinde ne’e atual Xefe Bankada FRETILIN iha Parlamentu Nasional, Francisco Miranda Branco, Embaixadór Extraordináriu no Plenipotensiáriu ba iha Repúblika Mozanbike, ho residénsia iha Maputu, Embaixadór ba iha Repúblika Angola no Repúblika Áfrika Sul.

Iha mós, Gregório José da Conceição Ferreira de Sousa, Embaixadór Extraordináriu no Plenipotensiáriu ba Repúblika Coreia. No Juvencio de Jesus Martins, Embaixadór Extraordináriu no Plenipotensiáriu ba iha Reinu Tailándia.

Husi PLP reprezenta ema ida, Joana Veneranda Amaral, Embaixadora Extraordinária ba iha Malásia no Jorge Trindade Neves de Camões, Embaixador Extraordináriu ba iha Nova Zelándia.

Karlito Nunes, reprezentante Permanente ba iha missaun Permanente ba Organizasaun Nasaun Unidas iha Nova Iorke. Maria Olandina Isabel Caeiro Alves, Embaixadora Extraordinária ba iha Repúblika Sosialista Vietnam.

Ikus liu mak, Maria de Lurdes Martins de Sousa Bessa, Embaixadora Extraordinária ba iha Suíza no hela iha Suíza, Embaixadora Extraordinária Mónaco no Representante Permanente ba eskritóriu iha Nasaun Unidas no Organizasaun Internacionál sira seluk iha Genebra. (*)

Rate this item
(4 votes)
Last modified on Monday, 12 April 2021 09:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter