Xanana hateten, tanba moras boot ona la bele halo tratamentu taun lori ba hospital, mate iha hospital dehan katak covid.

"Nia iha uma durante fulan ida Moras beibeik nuné doutor balun ba haree hodi kurativu di'ak tiha, moras fila fali to'o ikus ran mak sai, lori ba hospital mate iha ne'eba, tanba dehan protokolu ba hasai swap dehan covid, ne'ebé ami la simu, ami nia familia di'ak hotu, isin diak hotu, fen, oan, subrinhus sira di'ak hotu, nusa mak nia fulan ida iha ne'eba la covid hotu, see sira hatene karik mate de'it iha uma la lori ba hospital", ", dehan Eis Prezidente da Republika ne'e ba Ministra Odete iha hospital Vera Cruz Kaikoli (12/4)

Eis Prezidente ne'e dehan, tanba dehan covid, hotu-hotu tanis no Doutores balun dehan kuandu moras bo'ot ona lalika mai se lae covid hotu

"Ne'ebé ami la simu ida ne'e, ha'u Lori kaisaun mai atu lori nia (mate isin) ba uma," nia hatutan.

Xanana hateten Nia mos Preokupa ho covid mais ho ida ne'e, Nia parte respeita protokolu hospital nian kuandu moras sira ba halo swab, nia respeita teb-tebes

"Mais ami la simu katak nia covid, tanba nia moras fulan ida ona hotu-hotu ba trata kaer nia, maibe derepenti nia ba iha ne'eba dehan mate ne'e covid ona maibe familia tomak di'ak hela," Xanana haktuir.

Xanana haktuir, Dehan covid ne'e transmisaun katuas ne'e la la'o ba mai, nia atu hetan husi ne'ebe, hetan karik husi Nia familia sira, nia oan sira fó ba nia maibe hotu-hotu di'ak hela tanba ne'e sira la simu ida ne'e.

"Ami la fiar tanba ba kaer feto Ida iha neeba dehan pozetivu loron haat la iha tratamentu, ba Han deit oitoan fila ba dehan negativu ona, ne'e Ami atu fiar hansa".

Nune'e, husi parte Ministra Saúde Odete hateten, se nia covid ona, protokolu iha para atu halot nia mate isin iha fatin ne'ebé governu prepara ona iha Metinaru.

"Avo Ami husu ita apoiu ami, se avo Nana la fiar ida ne'e oinsa maka bele kontribui ba ita-nia Rai", hatan ministra ho Hara'ik aan ba Xanana.

Iha diskusaun refere, Ministra saúde tenta ko'alia ho eis prezidente Xanana Gusmão maibe Xanana nafatin la konkorda ho servisu saude nian no Xanana hateten Nia parte prontu hein to'o lori fila mate isin ba uma hodi halot.

Eis prezidente ne'e la simu ho desizaun saude nian atu ba hakaoi iha Metinaru tanba mate deit iha hospital dehan Covid ona no mós Durante ne'e pasente la hetan tratamentu maibe ikus dehan positivu covid-19.

Oras ne'e dadaun Eis Prezidente Repúblika Xanana Gusmão tur hein hela iha portaun boot Hospital Vera Cruz kaikoli hodi hein atu lori fila mate isin ne'e ba Uma.

Mate isin ne'e ho naran Kompletu Armindu Borges ho idade 47 Mai husi munisípiu Ainaro, postu adminstrativu Ainaro no suku Manutasi.(*)