Aviaun TRI-MG Asia Airlines Lori Manta 5000 Husi Japaun To'o Ona TL

By Tempo Timor April 11, 2021 925

font size decrease font size increase font size
Print
Email

Aviaun TRI-M.G Asia Airlines tula manta hamutuk rihun 5 neebé apoiu husi governu Japaun hodi apoiu ba Povu TL ne'ebe vitima husi inundasaun, too iha aeroportu Komoro, Domingo (11/4) Foto Tempo Timor

Tempotimor (Dili) - Aviaun TRI-M.G Asia Airlines ne'ebé transporta manta kuaze hamutuk rihun 5 (5000) ne'ebé apoiu husi governu Japaun to'o ona Timor-Leste (TL), oras tuku 15:00 otl iha Aeroportu Internasionál Nicolau dos Reis Lobato, Komoro Dili, domingu (11/04).

Tuir observasaun www.tempotimor.com iha terrenu nota, apoiu umanitáriu sira ne'e to'o iha Aeroportu Komoro, simu direta husi Sekretáriu Estadu Protesaun Sívil (SEPS), Joaquim Gusmăo iha Aeroportu Internasional Nocolau Lobato, Komoro.

Prosesu aluga Aviaun Tri-MG hodi transporta apoiu umanitáriu hirak ne'e to'o iha TL, organiza husi Jepan International Cooperation Agency (JICA) iha Timor-Leste .

Entretantu, asisténsia hirak ne'e transporta husi Japaun to'o iha Aeroportu Internasionál Nicolau Lobato Komoro, iha loron domingu (12/04), oras tuku 15:00 ho númeru aviaun voo GM307.

Tuir planu, apoiu hirak ne'e karreta sei transporta ba armajen PNTL iha Kaikoli, hafoin mak fó apoiu emerjénsia ba vítima afetadu sira.(*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com