Vise-Ministru Saúde, Bonifácio Maucoli dos Reis, hatete daudaun ne'e Ministériu Saúde hamutuk ho institusaun ne'ebé relevante hanesan SAMES, OMS inklui organizasaun ne'ebé ligadu ho saúde hala'o hela iha faze diskusaun hodi halo planu ne'ebé mais adekuada.

"Astrazeneca mak bele apropia ho ita-nia temperatura, rai iha kulosein ne'ebé mak ho temperatura 2 to'o 8 pursentu," dehan Maucoli iha edifísiu Ministériu Finansa, Aitarak Laran, Dili, sesta (22/01).

Maucoli akresenta, daudaun ne'e planu atu hahú ho 20% ne'ebé orsamentu ajudu husi governu Austrália totál millaun $24 maibé sei hahú ho millaun $5.8 ne'ebé atu kompra vasina.

"Vasina sira-ne'e sei iha planu hela, ita hein katak iha fulan-miu ka juñu sira-ne'e vasina mai para atu implementa," dehan Maucoli.

Antes ne'e mós Primeiru Ministru Taur Matan Ruak, deklara nia parte orienta ona atu MS perpara no prontu atu fó-aan sai ema primeiru bainhira vasina inplementa iha Timor-Leste.(*)