Bankda CNRT “Harame” Hikas Plenária PN

Kadeira ne'ebe antes ne'e husik mamuk husi deputadu CNRT sira wainhira deside auzensia husi debate iha espesialidade OJE 2021OJE Kadeira ne'ebe antes ne'e husik mamuk husi deputadu CNRT sira wainhira deside auzensia husi debate iha espesialidade OJE 2021OJE Foto File

Tempotimor (Dili) - Situasaun Plenária Parlamentu Nasional (PN) 'rame' fali no mosu intervensaun oi-oin husi deputadu sira bainhira bankada opozisaun CNRT prienxe hikas kadeira deputadu nian ne’ebé antes ne'e la partisipa iha debate Orsamentu Jeral Estadu (OJE) 2021.

Tuir observasaun www.tempotimor.com nota katak, kuaze kritika entre deputadu bankada opozisaun ho governu mosu durante plenária ohin iha Parlamentu Nasional, Tersa (15/12).

Xefi bankada CNRT Duarte Nunes hateten, Parlamentu Nasional hanesan fatin atu halo politika, no durante CNRT halo knaar nu'udar reprezentante povu iha uma fukun aprende barak husi deputadu senior sira ne'ebé iha primeiru lejislatura kuaze mai husi diaspora hanesan Mosambique, Portugal no Austrália.

Duarte mos akresenta katak, bainhira deputadu balun mak la sastifas ho aktu politika hala’o iha PN, Duarte husu atu ba uma toba de’it.

"Iha uma fukun ida ne'e mak fatin ba ita atu halo politika, saida deit mak ita halo ne'e politika, se kolega ruma mak lakohi halo politika diak liu ba uma, fase ain sae kama toba," dehan Duarte iha PN Dili, Tersa (15/12).

Deputadu bankada Fretilin Antoninho Bianco enkoraza bankada CNRT atu halo politika hateke ba oin no labele atu repete bebeik sala nune'e labele sai bebeik tan.

"Se Prezidenti bankada CNRT dehan politika hateke ba oin, sim los, hateke ho buat los. Ita labele tama ho buat ne'ebé sala beibeik, tenki rekoñese ita nia erru no labele tama iha erru beibeik iha buat ne'ebé hanesan," Branco hateten.

Antes ne'e, Deputadu bankada KHUNTO Olinda Guterres soe piadas bem-vindo ba deputadu CNRT ne'ebé durante debate Orsamentu Jerál Estadu (OJE) loron sanulu deside la partisipa diskusaun no aprovasaun OJE 2021.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter