Iha Intervensaun Proponente Bankada FRETILIN, David Mandati Dias hateten, forsa Indonézia sira oho jornalista na'in lima iha Indonézia inklui Shirley Shackleton nia kaben ho naran Greg Shackleton iha Balibó atu labele publika sai kona-ba sira nia invazaun iha Timor-Leste.

"Indonézia sira tenke oho tiha ema sira ne'e par labele fo sai, Portugál sira iha Balibó ne'ebá sorte sira halai tiha se lae mós mate hotu, ida ne'e de'it hatudu katak iha momentu ne'ebá dehan indonesia la invade forsa voluntáriu sira mak mai e ita nia maluk sira mós konsente tan ida ne'e katak, la iha invazaun embora komesa oho ema dadauk ona ne'e mak ha'u tau iha ne'e dehan animalescas vergonhosa ida ne'e mak ha'u hakarak dehan", dehan nia iha Parlamentu Nasionál, segunda (30/01).

Hafoin oho jornalista na'in lima refere, Shirley Shackleton halo inskusoins ba direitu povu Maubere no Dezafia Forsa Indonézia sira, maibé sira la brani to'o ohin loron.

"Nune'e mós nia dezafia jenerais indonesia sira atu depozisaun das verdades jenerais indonesia sira nunka brani, nunka iha korajen ne'ebé nunka fó sai verasidade invazaun ida ne'e to'o ohin loron", nia hateten.

Matebian Shirley Shackleton moris iha loron 26 fulan-dezembru tinan 1931 iha Plympton, Adelaide, Austrália, no nia mate iha loron 15 fulan-janeiru tinan 2023 bainhira nia moras kleur.

Jornalista ne'ebé mate iha Balibó iha tinan 1975 mak hanesan Greg Shackleton e Tony Stewart husi Austrália, Malcolm Rennie e Brian Peters jornalista husi britaniku, no Gary Cunningham husi Neozelnadês.

Iha tinan 2010 matebian hakerek livru ida ho tópiku “O Círculo do Silêncio: Um Testemunho Pessoal Antes, Durante e Depois de Balibo”.

Iha tinan 2013 rekoñesimentu ba nia signifikativu ba kontribuisaun benefisiu Timor-Leste no timorense ne'ebé kondekora medalla Ordem de Timor-Leste. (*)