“Rezultadu votasaun afavor 42, kontra 21, abstensaun 2, ho nune’e Orsamentu Jerál Estadu ba tinan 2023 aprovadu”, Prezidente Parlamentu Nasional, Aniceto Longuinos Lopez anunsia iha plenária Parlamentu Nasional, kinta (17/11)
OJE ba tinan 2023, Parlamentu Nasional aprova hafoin diskusaun durante semana ida-resin husi jeneralidade to’o espesialidade.
Nune’e, OJE 2023 ho montante billaun US$3,16 ne’e, kompostu husi Orsamentu Administrasaun Sentrál billaun U$2,8 (inklui ona Fundu Kombatentes Libertasaun Nasionál, billaun U$1), Orsamentu ba Seguransa Sosiál millaun US$235,7 no ba RAEOA millaun US$120. (*)
