“Lakon Kargu” Cedelizia Sei Lori PPN Aniceto ba Tribunál

 Eis Sekretária Jerál Parlamentu Nasionál (PN) Cedelizia Faria dos Santos iha nia kna'ar fatin iha PN Eis Sekretária Jerál Parlamentu Nasionál (PN) Cedelizia Faria dos Santos iha nia kna'ar fatin iha PN Foto File

Tempotimor(Dili)- Eis Sekretária Jerál Parlamentu Nasionál (PN) Cedelizia Faria dos Santos sei hato’o keixa ba Ministériu Públiku (MP) hodi kondena Prezidente Parlamentu Nasionál (PPN) Aniceto Guterres ne'ebé halo akuzasaun no haruka karta ezonerasaun husi kargu sekretária Jerál PN.

Cedelizia prontu levanta kazu ne'e, tanba nia hare iha karta ezonerasun ne'ebé haruka husi prezidente PN Aniceto Guteres, hakerek mós kona-ba aktu hirak ne'ebé akontese iha dia 18 no 19 maiu 2020, inklui ahi ne'ebé mate lakan iha Parlamentu Nasionál.

“Iha karta hatete buat balun, liuliu akontesimentu sira iha 18 no 19 maiu 2020 liubá, bá-oin ha’u sei lori kazu ne’e hanesan sidadaun ida ba tribunal, nune’e tribunál mak bele hateten loloos sé mak sala no sé mak loos," Cedelizia hateten liu husi telefone, Tersa (24/11).

kuadru husi partidu CNRT ne'e konsidera, iha karta ezonerasun ne'e prezidente PN halo akuzasaun falsu.

"Agra ha’u sei hare hela prosesu ne’e, ha’u seidauk fó hatene bainira, ha’u sei analiza hela karta ne’e depois mak informa ba públiku," nia dehan.

Cedelizia espresa ninia sentimentu, sei lori ba tribunál tanba iha momentu nia asume parta sekretária jerál PN liuosi prosesu rekrutamentu, inklui prosesu tomak mak hodi tama iha-ne’ebá, maibé la’ós hetan nomeasaun husi partidu polítiku.

“Ha’u sente ladún justu tanba ha’u simu karta ne’e dehan oin kedas, dehan ha’u tenke sai, ha’u sente seidauk halo krime ruma,” nia lamenta.

Kona-ba kestaun ezonerasaun, Cedilizia hateten nia prontu entrega fila fali karreta sira-ne’ebé durante ne'e nia uza, bazeia ba despaixu Prezidente Parlamentu Nasionál.(*)

Rate this item
(5 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks