Login to your account

Username *
Password *
Remember Me

PPN Orienta Deputadu Aselera Debate OJE 2023 iha Espesialidade

Prezidente Parlamentu Nasional (PPN), Aniceto Longuinhos Guterres Lopes. Prezidente Parlamentu Nasional (PPN), Aniceto Longuinhos Guterres Lopes. Foto Suplay

Tempotimor (Dili)-Prezidente Parlamentu Nasional (PPN), Aniceto Longuinhos Guterres Lopes orienta deputadu sira atu halo aselerasaun ba debate proposta-lei Orsamentu Jerál Estadu (OJE) 2023 iha faze espesialidade nune'e bele hetan lalais aprovasaun final global.

"Ne'ebe husu ita atu aselera deskusaun ida-ne'e, se lalais di'ak liu,"dehan Aniceto iha plenária PN, tersa (15/11).

Tanba, haree asaun husi estudante sira no Aliansa Maubere Nasional (AMN) ne'ebe halo barullu besik iha areador Parlamentu Nasional nian, ema liur mos mai apoiu hotu, ida-ne'e hanesan senáriu ida ne'ebé deputadu sira mos dalaruma hatene no kompriende liu.

Nune’e, parlamentu mos deside aprova ona tetu orsamentu ho montante millaun US$8.3 ne'ebe aloka ba Ministéiru Planeamentu Ordenamentu (MP0), ho rezultadu votasaun afavór 41, kontra 6 no abstensaun 15.

"Nune'e, orsamentu ba Ministériu Planeamentu no Ordenamentu, pasa", dehan nia hafoin anunsia rezultadu votasaun liuhusi debate proposta OJE 2023 faze espesialidade iha plenária PN, tersa (15/11).

Orsamentu ne'ebe aloka ba MPO, sei finansia ba programa boa-governasaun no jestaun instituisionál ho valor US$4,387,022 no sub-programa lima no atividade 17, programa igualidade jéneru no inkluzaun sosiál prevee US$123,412 ho sub-programa 1 no atividade 1.

Programa ordenamentu territóriu prevee US$3,803,864 ho sub-programa dezenvolve politika ordenamentu territóriu ho atividade rua (2), sub-programa dezenvolvimentu no koordenasaun ezekusaun instrumentu planeamentu urbanu ho atividade tolu.

Iha mos sub-programa asegura no planea propor polítika nasionál ordenamentu territóriu no dezenvolvimentu territóriu ne'ebe ho nia atividade tolu, sub-programa promove no difundir informasaun jeografika no kartográfika ho atividade tolu.

Alende ne’e, parlamentu mos aprova proposta OJE 2023 ba Ministéiru Transporte no Komunikasaun (MTK) ho montante US$11.558.253 iha espesialidade ho votu afavór 40, kontra 2 no abstensaun 20.

Orsamentu ne'e, sei finansia ba programa transporte US$2.961.314, programa boa-governasaun no jestaun institusional US$16.188.752, programa portu US$448.776, programa ingualidade jéneru no inkluzaun US$40.280, programa teknolojia informasaun no komunikasaun sosial US$2.289.565.

Aprova mos orsamentu ba Ministéiru Obras Públika (MOP) ho montante US$181.311.256 iha espesialidade ho votu afavór 42, kontra 2 no abstensaun 17.

Nune’e, orsamentu ne'e sei utiliza ba implementa programa estrada no ponte ho orssmentu hamutuk US$40.471.258, no programa dezenvolvimenu rurál no urbanu U$3.611.246.

Programa boa-governasuan no jestaun instituisional prevee US$16.188.752 no programa bee no saneamentu millaun US$21 inklui mos programa eletrisidade ne'e millaun US$100. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter