Ohin, Governu “Selu Duni” Reklamante 663 iha Camea

Ekipa Ministériu Solidariedade Sosial no Inkluzaun (MSSSI), sura hela osan subsídiu Covid-19 nian antes entrega ba benefisiáriu sira iha sede suku Camea, tersa (24/11). Ekipa Ministériu Solidariedade Sosial no Inkluzaun (MSSSI), sura hela osan subsídiu Covid-19 nian antes entrega ba benefisiáriu sira iha sede suku Camea, tersa (24/11). Foto Tempo Timor

Tempotimor (Dili)- Prosesu pagamentu subsídiu Covid-19 ne’ebé governu halo ba komunidade iha suku Camea, postu administrativu Cristo Rei, munisípiu Dili hamutuk uma-kain 815 mak halo reklamasaun no komunidade balun la simu tanba naran lakon.

Husi númeru 815 ne'e, benefisiáriu na’in 663 mak simu ona sira nia subsídiu ne'ebé selu diretamente husi Ministériu Solidadriedade Sosial no Inkluzaun (MSSI), iha Tersa (24/11).

Xefi suku Camea, Matos da Costa hateten, suku Camea kompostu husi aldeia 13, maibé aldeia rua hanesan Ailele Hun no Haas-Laran mak sira nia naran laiha ka lakon, no balun halo reklamasaun.

Nia hatutan, tuir dadus husi komunidade aldeia rua ne'ebé naran lakon no reklamasaun hamutuk 663 ne'ebé aprovadu tiha ona hodi halo pagamentu.

“Ami paga tiha 663, signifika sei falta 100-resin mak seidauk. Ida ne'e tama iha lista reklamasaun. Mais ne'e ha'u hanoin governu sei haree didiak, tanba dadus barak mak iha, governu sei haree didiak, depois ami fiar katak tempu badak sei iha pagamentu ba reklamasaun sira”, Xefi Suku Camea hateten.

Matos da Costa ba www.tempotimor.com iha sede suku Camea durante halo akompañamentu ba prosesu pagamentu subsídiu Covid-19 ba komunidade sira iha Bekora, tersa (24/11).

Nia haktuir, suku Camea iha aldeia 13, maibé iha prosesu pagamentu ba subsídiu Covid-19 ninian sira halo de'it pagamentu ba aldeia 11, no aldeia rua maka falla tanba lista lakon, tanba ne'e maka sira prosesa kleur kuaze fulan tolu.

“Mais governu konsege halo pagamentu duni ba loron ohin no aban, no sira seluk ne’ebé tama iha reklamasaun ne'e, ami hanoin iha faze ikus”, nia dehan.

Nune’e mós komunidade suku Camea, José Xamara Costa kontente tanba reklamasaun ne'ebé sira hatama to’o ikus governu konsidera duni sira nia direitu hodi halo pagamentu.

“Iha pagamentu primeiru bainhira rona naran laiha, ha'u sente ladun satisfás ho prosesu ida ne'e, maibé ohin sira konsege mai fahe duni ba ami”, nia ko’alia kontente.

Pagamentu subsídiu ba komunidade sira hala'o durante loron rua, tersa ho kuarta, ba loron dahuluk fahe uluk ba aldeia Ailele Hun no tuir fali maka aldeia Haas-Laran.

Entretantu, suku Camea iha suku 13 mak hanesan Aidak Be Hare, Ailele-hun, Ailok-laran, Bedois, Dudur Lau, Caisabe, Fatuk Francisco, Haslaran, Lases, Lenuk Hun, Namalai, Suco-Laran, no Terminal.

Tuir dadus ne'ebé rekolla durante prosesu Covid-19, totál populasaun iha suku Camea hamutuk 16.325, ho xefi familia hamutuk 3.109.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks