Login to your account

Username *
Password *
Remember Me

PR-Governu Organiza Eventu Festivál Kultura no Múzika iha Ataúru

Tempotimor (Dili)-Prezidénsia Repúblika (PR) no Governu daualu konstitusionál, servisu hamutuk ho Autoridade inklui parseiru sira ohin loron segunda (21/11) organiza eventu festival kultura no múzika hodi promove potensialidade turístika, atividade kultural, muzika no eventu oi-oin iha munisípiu Atauru.

Tuir komunikadu imprensa ne'ebé fo sai husi prezidensia repúblika katak, Eventu Festival Kultura no Múzika ne'e sei hala'o durante loron tolu nia laran, hahú husi loron 21 to’o 24 fulan-novembru tinan 2022.

Programa ne’e, atu tulun prezervasaun kultural, esplora no transmite ba jerasaun foun, eransa kulturál no transforma valor hirak ne’ebe sai hanesan atraisaun turístika, ne’ebé bele apoia dinamizasaun atividade ekonómika iha Munisípiu Ataúru.

Tanba ,munisípiu Ataúru ho istória mitolojia únika no interessante tebes atu explora, sai hanesan fatin ba dadur sira husi kolónia Portugueza to’o okupasaun Indonézia, iha tasi ibun ne’ebé furak, foho Manukoko no potensialidade turístika no sidadaun ne’ebé laran luak tebes atu simu, ema  hotu vizita husi tasi balun.

Eventu ne’ebé Prezidénsia Repúblika organiza, atu promove duni potensialidade hirak ne’e no hamorin Timor-Leste nia naran iha Mundu.

Eventu ne’e, grupu kultural husi Munisípiu 14 nomós husi Indonézia mak partisipa no fiar katak, Festival Kultura no Múzika ba edisaun dahuluk iha Ataúru, sei sai dinámiku no kontribui mos ba atividade ekonómika.

Tanba ne’e, atividade atu aprezenta mak hanesan, múzika instrumental tradisionál, dansa trandisionál, aprezentasaun filme dokumentáriu, ai-knanoik, desfile traze tradisionál, soru tais, ai-han tradisionál no internasionál, feira livru, artezenatu, expozisaun pintura, Marxa Morador no kuda Ai Mangrove ka parapa.

Loke mós kompetisaun ba Poezia no múzika akústika ho tema Manu Kokorek Fanu rai Timor, Pintura kona-ba Tasi Timor, Adventure Challenge no Múzika kore metan no mos iha kompetisaun halai sa’e foho, kurrida bisikleta BMX, Kurrida Ró no nani Tasi.

Programa ne’e, konta ho apoiu husi Governu no Xefe Gabinete Primeiru Ministru, Azevedo Marçal, ne’ebé sai Koordenadór Jerál no Agusto Junior husi Prezidénsia Repúblika mak Adjuntu Koordenadór, autoridade Munisípiu Ataúru nomós Ataúru-oan sira. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter