PR Lú Olo Kontente Governu Hili Likisá Komemora Proklamasaun Independénsia

Prezidente da Republika, Dr. Francisco Guterres Lu Olo Prezidente da Republika, Dr. Francisco Guterres Lu Olo Foto Midia PR

Tempotimor (Dili)-Prezidente Repúblika (PR) Francisco Guterres Lú Olo kontente tanba governu hili munisipiu Likisa sai fatin espesial iha tinan ida ne’e hodi komemora loron proklamasaun unilateral independensia Timor Leste nian bad ala 45, iha 28 Novembru.

Tan ba ne’e Xefe estadu dezafia povu munisípiu Likisa nia vontade hodi partisipa ativamente iha komemorasaun ne’e.

PR Lú Olo espresa lia hirak ne’e, bainhira Ministru Administrasaun Estatál (MAE) Miguel Pereira de Carvalho atualiza preparasaun sira kona-ba komemorasaun loron 28 Novembru nian ba PR Lú Olo iha Palásiu Prezidensiál bairru-pite, Dili ohin.

"PR Lú Olo husu teb-tebes ba Timoroan hotu liu-liu povu Likisa atu partisipa ativu iha serimónia 28 Novembru 2020 nian, tanba tempu agora, tempu importante atu hametin liután unidade nasionál. Povu Likisa tenke sente katak ne'e loron nasional ba TL," Ministru Miguel hateten ba jornalista iha Palásiu Prezidensiál, Segunda (23/11).

Nia dehan, Xefe estadu sei hakat ba munisípiu Likisa iha 28 Novembru dadersan hodi prezide serimónia komemorasaun loron 28 Novembru hamutuk ho povu iha munisípiu ne’e.

Atividade sira ne'ebé governu no autoriedade munisípiu sira hala'o hodi komemora loron nasionál ne'e mak hanesan Desportu, Feira Nasionál, Misa Agradesimentu, Isar Bandeira Nasionál, Kondekorasaun no Konsertu Muzikál.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks