Login to your account

Username *
Password *
Remember Me

Ukun Aan Tinan 18, Suku Waimori Kontinua Hela Iha Nakukun Laran

Delegadu Aldeia Lulei António Rangel ko'alia hela ho jornalista sira iha edifísiu Sekretáriu Estadu Kooperativa (SEKoop), Akait, Tersa (27/10). Delegadu Aldeia Lulei António Rangel ko'alia hela ho jornalista sira iha edifísiu Sekretáriu Estadu Kooperativa (SEKoop), Akait, Tersa (27/10). Foto Tempo Timor

Tempotimor (Dili)-Maske Timor-Leste ukun aan ona nasaun ida durante tinan 18, maibé populasaun maiória seudauk sente no goja ukun aan ne'ebé Timor-Leste iha.

Tuir xefe suku Waimori Felicioano António Gomes ba www.tempotimor.com liuhusi via telefone katak, to'o agora populasaun iha suku waimori la sente dezenvolvimentu ukun-aan ida ne'e nian.

"Populasaun iha suku Waimori postu administrativu Vikeke, Munisípiu Vikeke ne'e, to'o agora ladun sente dezenvolvimentu iha nasaun ida ne'e, tanba estrada mós la'ós husi kapitál munisípiu Vikeke, maibé ami sesu fali husi munisípiu Baukau parte postu administrativu Venilale no Vemasse," dehan xefe suku ne'e ba TT liuhusi via telefone, Tersa (27/10).

Nia mós dehan, kona-ba liña eletrisidade to'o agora laiha, entaun komunidade sira sei uza de'it solar panel.

"Liña eletrisidade iha ne'e to'o agora laiha, kompañia sira mai sukat troka malu, maibé la halo ida, maske laiha problema, maibé informasaun ne'ebé ami hetan katak governu osan laiha depoia empase polítika," nia dehan.

Alende husi liña eletrisidade no estrada nian, iha mós bee moos ne'ebé komunidade barak seidauk asesu.

Iha fatin seluk, delegadu aldeia Lulei António Rangel dehan, solar panel ne'ebé populasaun waimori uza ne'e hetan apoiu husi governu iha tinan hira liubá inklui kompañia balun ne'ebé apoiu mós solar panel.

"Maibé uluk kuandu seidauk iha apoiu ne'e, povu ne'ebá uza de'it lampu tradisionál," nia dehan.

Lider komunitáriu ne'e mós subliña, "ema hotu iha Timor hatene katak Waimori ne'e suku ne'ebé istóriku, maibé dezenvolvimentu laiha," nia tenik.

Alende ne'e dalan ne'ebé ligasaun husi kapitál munisípiu Vikeke ba suku Waimori hamutuk kilometru 30, maibé se estrada ligasaun husi munisípiu Baukau parte postu administrativu Venilale nian entaun iha de'it kolometru hitu no totál populasaun iha suku Waimori hamutuk uma-uma-kain 514 no suku ne'e rasik iha aldeia neen, ne'ebé populasaun sira-nia maiória moris nu'udar agrikultór.(*)

Rate this item
(0 votes)
Last modified on Tuesday, 27 October 2020 15:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter