Login to your account

Username *
Password *
Remember Me

PM Taur 'Bandu' Membru Governu Simu Subsidiu US$200

Ministru Prezidénsia Konsellu Ministru (MPKM), Fidelis Leite Magalhães. Ministru Prezidénsia Konsellu Ministru (MPKM), Fidelis Leite Magalhães. Foto Suplay

Tempotimor (Dili)-Primeiru Ministru (PM), Taur Matan Ruak aprezenta Projetu Dekretu-Lei ne’ebé prosede ba alterasaun dahuluk ba Dekretu-Lei númeru 37/2022, loron 25 fulan-maiu, kona-ba subsidiu fim do ano ba uma-kain sira ho montante US$200.

Nune’e, ohin loron 12 fulan-outubru, Konsellu Ministrus hala’o sorumutu iha Palasiu Governu aprova ona alterasaun ne’ebé iha esesaun balun ba membru governu no eis-titulares atu labele benefisia ba subsidiu uma-kain US$200.

"Subsidiu ne'e nia natureza mak ne'e, universal ba iha ninia implementasaun, agora so iha esesaun ne'e mak ba membru orgaun de soberania no eis titulares," dehan Ministru Prezidénsia Konsellu Ministru (MPKM), Fidelis Leite Magalhães iha Palásiu Governu, Kuarta (12/10).

Governante ne'e afirma, dekretu lei ne'e aprova ona iha semana kotuk no seidauk bele haruka ba Prezidente Repúblika atu foti desizaun, tanba sei hadi’a parte balun. 

"Iha semana kotuk ita boot sira husu atu halo diskusaun klean ba dekretu lei, ita hatan por alto jeral, maibé ita seidauk iha ligasaun ho parte redasaun nian, no ohin ita aprova ho alterasaun sei haruka kedas ba Prezidente Repúblika, José Ramos Horta," nia informa

Tanba, iha semana kotuk liu ba, membru Governu sira deside la simu subsídiu ‘fim do ano’ ho montante US$200.

“Membru Governu sira deside ona katak, sira la presiza ba simu subsídiu US$200. Ha’u ko’alia ho Primeiru-Ministru no Vise Primeiru-Ministru na’in-rua katak, hotu-hotu halo desizaun hodi kontribui hamutuk hodi fó ba hirak ne’ebé presiza liu, bainhira sira seluk lakohi simu husik hela iha kofre Estadu, nune’e bele uza fali ba prioridade dezenvolvimentu sira seluk,” nia dehan

Nune’e, Governu respeita deklarasaun no opiniaun entidade sira hotu liga ho desizaun sira ne’ebé halo ona.

“Ami respeita órgaun espesializadu sira hanesan Komisaun Antí-Korrupsaun ne’ebé tau-matan ba korrupsaun sira, ne’e sira-nia kna’ar, Governu orgullu tanba ita iha lei kontra korrupsaun ne’ebé forte, maibé kona-ba desizaun sira ne’e, tanba Governu nia konsiderasaun ba preokupasaun sosiál no ekonómika, sira ne’e hotu mak lori Governu to’o halo desizaun,” nia afirma

Antes ne’e, halo diskusaun hodi uma-kain hotu iha territóriu nasionál simu subsídiu fim do ano hamosu pro no kontra ideia iha Konsellu Ministru.

“Maibé, desizaun mak avansa ho modelu ne’ebé ita iha, agora buat ne’ebé Governu halo maka naturalmente Governu sei artikula di’ak liután ho Prezidente Repúblika karik nia hanoin di’ak liu altera iha parte ne’ebé, Governu nakloke tanba Prezidente Repúblika halo kontrolu polítika Governu,” nia hatete

Enkuantu iha sorin seluk, Primeiru Ministru (PM), Taur Matan Ruak mós deklara sei la simu subsídiu fim do ano ba kada família ho valór US$200 ne’ebé hetan ona aprovasaun hosi Konsellu Ministru.

“Sé mak lakohi hetan bele entrega fali ba ema seluk ou ema kiak sira ho konsensia, por ezemplu ha’u la simu”. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter