Login to your account

Username *
Password *
Remember Me

VIII Governu “Presiza” Halo Remodelasaun

Akademista Universidade da Paz (UNPAZ) Fernando Gusmão ko'alia hela ho jornalista sira iha bairu Formoza. Tersa (27/10). Akademista Universidade da Paz (UNPAZ) Fernando Gusmão ko'alia hela ho jornalista sira iha bairu Formoza. Tersa (27/10). Foto Tempo Timor

Tempotimor (Dili)- Akademista Universidade da Paz (UNPAZ), Fernando Gusmão hateten, atu garante boa governasaun, VIII governu konstituisionál nesesáriu atu halo remodelasaun ba estrutura.

Nia dehan, halo remodelasaun, tanba iha membru governu balun ne'ebé halo esplikasaun iha aprezentasaun Orsamentu Jerál Estadu (OJE) iha Parlamentu Nasionál ladún hatudu koñesimentu no kapasidade di’ak.

"Akademista nota membru governu ne'ebé mak tenke troka, tanba étika, ha’u labele hatudu ema ida- ida, tanba ha’u laiha autoridade atu hatudu A iha kapasidade B laiha kapasidade. Hanesan ami ko'alia jerál de'it katak, ita nota membru governu sira ne'ebé ladun domina sira nia servisu, ita haree husi sira ko'alia iha televizaun mós dalaruma ema husu buat seluk, sira hatan buat seluk. Ne'e hatudu katak, nia ladun komprende ninia área servisu", Fernando Gusmão hateten lia hirak ne’e iha bairro formoza, Tersa (27/10).

"Nesesariu duni halo re-modelasaun ou lae, depende ba sira nia hanoin. Akademiku nia hanoin, presiza no remodelasaun la'ós atu hasai ema ida, lae, bele mós muda fatin servisu", nia hatutan.

Tuir Nia, remodelasaun bele, maibé depende ba partidu tolu hanesan FRETILIN, PLP no KHUNTO ne'ebé apoiu malu iha oitavu governu konstituisionál, tanba desizaun iha sira nia liman.

"Maibé, nu'udár ema akademiku, ideal ne'e, se ita hakarak boa governasaun, tau ema ne'ebé iha kapasidade, ne'e mak prinsipiu ida akontabilidade", nia dehan.

Tur iha pozisaun, tenke senti, iha kapasidade hodi hamosu programa no implementa ba povu nia moris, la'ós hetan oportunidade sai hanesan privelejiu.

"Tanba ne'e, ha’u konkorda ho remodelasaun. Partidu sira ne'ebé ukun hela, tenke senti katak, sira nia ema hotu-hotu iha kapasidade ou lae, hau hanoin tinan ida rua partidu Fretilín foin tama tan, bele ona iha tempu ida par halo avaliasaun, liu-liu kada partidu halo avaliasaun interna, senti sira nia ema balun kapasidade ladun diak, subtitui sira nia ema ne'ebé kapasidade diak liu", nia esplika.

Nune'e, nia fó hanoin, ukun nasaun, labele dudu intrese partidu ba oin hodi sakrifika intrese nasionál, importante mak partidu sakrifika an ba interese nasionál.

Rate this item
(1 Vote)
Last modified on Wednesday, 28 October 2020 07:40
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter