Sekretáriu Estadu SEFOPE, Alarico do Rosário agradese ba inisiativa husi ILO ne'ebé suporta Timor-Leste iha parte revizaun lei traballu ligadu ba violénsia hasoru feto iha servisu fatin, nune'e bele reduz kazu violensia hasoru feto no mane iha Timor laran tomak.
"Bele kria unidade no paz ba feto ho mane nomós oan sira iha familia nu'udar ezemplu ida ba futuru, atu ema hotu bele kompriende saida mak feto respeitu mane no mane respeita feto, atu nune'e ema hotu bele enjoy moris, feto ho mane enjoy, moris tenki hanesan, ida ne'e mak ita hotu-hotu nia hakarak," dehan Alarico iha Salaun Sefope Kaikoli, Dili, Tersa (27/10).
Alarico hatutan, ho akordu ne'e bele halo traballaór sira-nia vida tomak livre entre feto ho mane, hanesan iha nasaun seluk nia liberdade no demokrasia.
"Atu banati tuir nasaun seluk nia liberdade, demokrasia feto ho mane, oinsa nia moris," dehan Alarico.
Entertantu ILO liu husi kongresu ba dala 108 iha Jenewa Swiss iha 21 Juñu 2019 ne'ebé hamosu konvensaun 190 ligadu ho direitu traballadór atu asesu ba servisu ne'ebé livre husi violénsia no abuzu seksuál hasoru feto iha servisu fatin.
Nune'e, Timor-Leste rasik seidauk ratifika konvensaun refere no tuir planu ho asina akordu entre Sefope no ILO, ba oin sei prepara revizaun lei traballu hafoin lori ba governu atu deside liuhusi Konsellu Ministru.(*)