Deputadu Gabriel Soares hato’o deklarasaun ne’e relasiona ho estensaun Estadu Emerjénsia dahitu ne'ebé Parlamentu Nasional aprova iha plenaria.
Gabriel Soares hateten, maski iha estensaun EE dalima no daneen, publiku tomak sempre ejizi atu governu buka dalan ona halo lei propriu, oinsa mak bele prevene estensaun estadu emerjensia, maibe realidade governu kontinua husu EE.
"Parlamentu Nasional halo politika atu fo kondisaun ba governu, maibe bankada governu de faktu ida ne'e laiha vontade atu lori hikas Lei Protesaun Sivil mai fali iha PN, oinsa mak bele hadia hodi haruka hikas ba PR," nia dehan.
Maski parlamentu aprova ona lei protesaun sivil no haruka ona ba PR, maibe Nia hare lei refere la konsege promulga tanba Bankada maioria no governu mak futu lia ho prezidente republika hodi kaduka lei ne’e.