Tuir Deputadu CNRT ne’e, nia parte duvidas ho kazu foun ne’ebé mós sempre akompaña ho pedidu estensaun Estadu Emerjensia (EE).

“Durante ha’u haree  sempre akontese no ha’u duvidas itoan kuandu estadu emerjénsia besik  remata ona atu   proposta fali emerjénsia  foun mosu tan fali moras ida, depois liu tiha semena ida moras ne’e rekupera fali ne’ebé buat ne’e ita haree hanesan regula kedas ona tanba ita la hatene ida-ne’e loos duni ka lae ida ne’e halo ha’u hamosu duvida boot,”dehan deputadu bankada CNRT iha sala komisaun Parlamentu nasionál, (01/10).

Deputadu ne’e hatutan,  por enkuantu seidauk iha baze legál sira seluk tenke iha, tuir loloos ita rezolve situasaun sira ne’e rezolve ho lei  seluk ne’ebé prezidente Repúblika veta tiha no agora tau hela iha meza PN la presiza ho estadu emerjénsia.

Ba kestaun  ne’e, xefe Bankada FRETILIN Deputadu Francisco  Miranda Branco, hateten, ne’e pozisaun CNRT nian iha bankada opozisaun nia linguazen sepre hanesan maibé governu la halo politizasaun iha ne’e.

“Ne’e bankada opozisaun nia linguazen la iha tan linguazen seluk ne’ebé governu la halo politizaun ba situasaun COVID-19 ne’e maibé  governu nia intensaun ne’e atu salva guarda interese nasionál estadu nian atu salva povu ida-ne’e, la bele monu ba situasaun Ida ne' e.”dehan Branco.(*)