‘Estadu Emerjénsia sai ona Kultura ba Governu Daualu’

Rnkontru Konsellu Superiór Defeza no Seguransa (KSDS) no Konsellu Estadu (KE) hodi diskute estensaun EE iha Palasiu Prezidensial, Kuarta (30/9) Rnkontru Konsellu Superiór Defeza no Seguransa (KSDS) no Konsellu Estadu (KE) hodi diskute estensaun EE iha Palasiu Prezidensial, Kuarta (30/9) Foto Midia Prezidensia da Republika

Tempotimor (Dili)-Maske Prezidente Repúblika (PR) Francisco Guterres Lú Olo iha estadu emerjénsia dahaat husu ona ba governu atu halo lei propriu nune'e labele iha tan estadu emerjénsia, maibé realidade governu kontinua husu estensaun EE.

Hafoin EE periodu dalima besik remata, governu aprova tan pedidu estensaun EE daneen no haruka ona ba PR Lú Olo.

Bazeia ba pedidu ne’e, iha Kuarta (30/09), PR Lú Olo konvoka enkontru Konsellu Superiór Defeza no Seguransa (KSDS) no Konsellu Estadu (KE) hodi diskute estensaun EE.

Entretantu iha enkontru refere, membru KSDS no KE a favor, nune'e PR Lú Olo husu tan autorizasaun ba Parlamentu Nasionál (PN) atu dekreta EE daneen.

"Ohin KSDS no KE rekomenda ba Prezidente Repúblika (PR) Francisco Guterres Lú Olo atu haruka pedidu governu nian ba Parlamentu Nasionál husu autorizasaun par dekreta estensaun estadu emerjénsia ba daneen," dehan Xefe Kaza Sivíl Palásiu Prezidensiál, Francisco Maria de Vasconcelhos, Kuarta (30/9).

Nia afirma, médida ba EE daneen hanesan de'it ho médida sira ne'ebé implementa ona iha EE dalima, maibé sei restritu liu tan iha fronteira par ema labele tama-sai.

Entretantu, lider nasionál ne'ebé la partisipa iha reuniaun konsellu rua ne'e mak eis Prezidente Repúblika Xanana Gusmão no eis Prezidente Repúblika José Ramos Horta.

Rate this item
(1 Vote)
Last modified on Thursday, 01 October 2020 14:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.