Pagamentu Subsidiu Segunda Faze Ho Orsamentu 3.2 Milloes

Vice-ministru Solidariedade Sosiál no Inkluzaun (Vice-MSSI) Signi Chandrawati Verdial hatan hela perguna jornalista sira nian hafoin remata reuniaun Konsellu fundu Covid-19 iha edifísiu Ministériu Finansas Aitarak-Laran, kinta (10/09). Vice-ministru Solidariedade Sosiál no Inkluzaun (Vice-MSSI) Signi Chandrawati Verdial hatan hela perguna jornalista sira nian hafoin remata reuniaun Konsellu fundu Covid-19 iha edifísiu Ministériu Finansas Aitarak-Laran, kinta (10/09). Foto Tempo Timor

Tempotimor (Dili)- Subsidiu remonitoria ba benefisiáriu ne'ebé antes ne'e governu oferese osan $ 200 kada uma kai'n, no balun ne'ebé tama iha lista reklamasaun atu selu fali purvolta rihun 16 no orsamentu ne'ebé atu halo pagamentu kuaze $3.2 Milloes.

Vice-ministru Solidariedade Sosiál no Inkluzaun (Vice-MSSI), Signi Chandrawati Verdial informa, lista reklamasaun hirak ne'e besik rihun 16 no rihun 10 prontu ona atu halo pagamentu.

"Prontu pagamentu, maibé sei tun fali kordena ho Ministériu Administrasaun Estatal (MAE), xefe suku no xefe aldeia sira atu haree dadus ne'e loloos mak foin halo pagamentu ba segundu faze", Vice-MSSI informa hafoin reuniaun Konsellu fundu Covid-19 iha edifísiu Ministériu Finansas Aitarak-Laran, kinta (10/09).

Tuir Nia, sidauk iha data fiksu atu halo pagamentu refere, maibé tenta fin Fulan setembru bele realiza.

"Montante orsamentu, ita nia estimasaun purvolta $3.2 milloes no lista reklamasaun kuaze 16 Mill, maibé iha faze verifikasaun mak foin bele determina loloos se mak bele simu no se mak labele simu, entaun parese sei tun husi 16 Mill", tenik Nia

Tuir nia, dadaun ne'e parte tekniku sira sei haree dadus ho loloos, tan ne'e husu ba komunidade pasensia ituan.

"Sira sei la lakon sira nia direitu, presiza pasensia, verifika dadus halo loos, depois bele hetan sira nia direitu tuir Lei ne'ebé haruka", Nia hakotu (*)

Rate this item
(4 votes)
Last modified on Saturday, 12 September 2020 10:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.