Ministru Asuntu Parlamentar no Komunikasaun Sosiál (MAPKomS), Francisco Martins da Costa Pereira Jerónimo hateten, Konsellu Imprensa ohin mai iha Gabinete MAPKomS, atu enkontru regulár ida, hodi informa kona-bá saida mak durante ne'e, sira halo no kona-bá saida mak atu halo, hamutuk ho MAPKomS hodi realiza, iha futuru.
"Ami Ko'alia mós kona-bá situasaun atuál jornalista sira nian, kona-bá dalaruma sira presiza mos, iha lei eleitorál tinan ida ne'e nian, tinan rua mai tan, atu koobertura iha tereñu ne'e, oinsá asesu ba jornalista sira, wainhira iha votasaun sira, iha fatin de'it ona, atu nune'e labele gasta tempu lao ba mai", dehan Ministru Asuntu Parlamentar no Komunikasaun Sosiál, Francisco Martins da Costa Pereira Jerónimo, iha Palásiu Gabinete MAPKomS, kuarta (09/09).
Nia hateten, sira diskuti mos kona-bá títulu ne'ebé iha jornal laran, iha balun presiza atu fó hanoin bá mídia sira labele hakerek títulu ho provokativu no ko'alia mós asuntu seluk.
"Ko'alia kona-bá orsamentu atu enkamiña mai, atu haruka ba Ministériu Finansas", informa Ministru.